O BNG de Alfoz-O Valadouro
GRAVE DETERIORACIÓN DO RÍO OURO EN BACOI (ALFOZ)
O luns 28 de maio foi rexistrada no Concello de Alfoz a proposta adxunta, co
obxectivo último da limpeza, rexenaración e coidado periódico do Río Ouro no lugar
chamado AS LEAS, na parroquia de Bacoi (Alfoz) xa raiando coa parroquia de Santo
Acisco.
O abandono e deterioración do tramo das Leas está a crear unha auténtica zona
pantanosa, totalmente artificial, xa que até hai tres anos (cando se descoidou totalmente)
era un tramo de corrente normal.
A situación na que se atopa o devandito tramo favorece o estancamento das
augas, inzadas de lixo, tanto de refugallos vexetais (troncos, ramallada…) como de
refugallos domésticos (envases, plásticos…) coa conseguinte putrefacción e prexuízo prá
fauna fluvial e ribeirá ou para as actividades deportivas, pesca fundamentalmente.
Ao mesmo tempo de favorecer o estancamento das augas nas épocas secas, os
diques e illas formados polos refugallos (hai troncos de piñeiros de 30 metros de longo no
cauce) favorecen as cheas nas épocas chuviosas, xa que ao chocar a corrente coas
barreiras de lixo, o río reborda e asolaga os arredores.
Se o Concello de Alfoz e a Consellaría de Medio Ambiente non se poñen
urxentemente a arranxar a zona, a situación irá in crescendo até que o Río Ouro nas Leas
se convirta nunha especie de selva pantanosa.
————-
PROPOSTA
AASEMBLEA LOCAL DO BNG DE ALFOZ-VALADOURO expón:
O tramo do Río Ouro ao seu paso polo lugar chamado AS LEAS, na parroquia de Bacoi, xa raiando
coa parroquia de Santo Acisco atópase ateigado de troncos de árbores, lixo de toda caste (botellas,
plásticos…) e illas formadas polo propio entullo acumulado ou por desprendementos de terra da
propia ribeira do río.
No leito do río poden verse piñeiros duns 30 metros de longo totalmente mergullados, outras
árbores atópanse semiafundidas formando diques que acabaron por facer deste tramo unha especie
de encoro onde a auga esta retida.
Segundo información proporcionada por bos coñecedores do río, este tramo do Ouro (As Leas)
aliméntase das augas do Rego de Budián, e chega á denominada Presa de Santo Acisco, ao longo
destes máis de tres quilómetros o estado do cauce fluvial está totalmente abandonado dende hai uns
tres anos, mesmo se pode observar un panel metálico de información institucional tirado no fondo
do río.
Esta situación favorece as grandes riadas, xa que as correntes fluviais do inverno ao non poder
seguir polo cauce asolagan o resto do terreo, noutras ocasións a auga fai moita forza nas barreiras
formadas polos refugallos e provoca a destrución das marxes do cauce, desfacéndoo e creando
novas illas de lixo e refugallos.
POLO ANTERIORMENTE EXPOSTO
DEMANDA:
-Que o Concello de Alfoz se implique nisto coa máxima urxencia e transmita a devandita situación
á Consellaría de Medio Ambiente, Territorio e Infraestruturas.
-Que o Concello de Alfoz na medida das súas posibilidades, recursos e medios remedie ou colabore
para solucionar o estado do Río Ouro no lugar das Leas (Bacoi).
-Que o curso do río Ouro ao seu paso polo lugar das Leas (Bacoi) sexa limpado e rexenerado.
-Que o Concello de Alfoz se preocupe polo estado do Río Ouro nese e noutros lugares susceptíbeis
de actuacións para que no futuro ningún tramo chege a este grao de deterioración.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
