O CONCELLO SOLICITARÁLLE A FOMENTO A TRANSFERENCIA DA VÍA DE SERVIZO QUE VAI DESDE A RAQUETA DO HOSPITAL ATA A ZONA DO TORNO E ATA O LÍMITE CON FOZ. E Á DEPUTACIÓN DE LUGO A TITULARIDADE DA ESTRADA QUE VAI A RÚA. ÉSTES FORON ALGÚNS DOS ASUNTOS QUE SE DEBATIRON E APROBARON NO PLENO ORDINARIO DE ONTE.
Burela, 1 de xuño de 2012. O Concello solicitarálle a Fomento a transferencia da vía de servizo que vai desde a raqueta do hospital ata a zona de O Torno e ata o límite con Foz. Este punto foi aprobado no pleno de onte únicamente cos votos a favor do PP e coa abstención do Grupo Mixto e do PSOE. As tres formacións políticas acordaron por unanimidade pedirlle á Deputación de Lugo a transferencia da estrada que vai a Rúa na zona de solo urbano consolidado que chega ata o cuartel da Garda Civil.
O alcalde, José María González Barcia, explicou que no pleno de onte á tarde “aprobóuse un expedente de modificación de créditos por importe duns 176.000 euros e un recoñecemento extraxudicial de crédito de aproximadamente 176.000 euros. Na relación de facturas que nós enviamos ao Ministerio de Hacienda no seu momento para facer o pago adiantado a proveedores, pago que xa levou a efecto onte e antonte, había unha serie delas que non estaban aprobadas pola Corporación Municipal. Ao seren recoñecidas esas facturas polos propios proveedores nós o que tiñamos que facer era recoñecelas, e iso foi o que se fixo onte, e despois facer un expedente de modificación presupostaria para poder incorporar eses cartos ao presuposto. A maioría desas facturas pertencen aos anos 2008, 2009 e 2010. Estes dous asuntos de carácter económico foron aprobados por unanimidade das tres formacións políticas”.
As infraestructuras centraron parte da sesión plenaria de onte. Os tres grupos acordaron pedirlle á Deputación Provincial de Lugo a transferencia da titularidade da estrada que vai a Rúa. O rexedor sinalou que “días pasados levamos unha sorpresa maiúscula cando nos enteremos de que este vial estaba sen transferir, pensábamos que parte xa estaba transferida ao antigo Concello de Cervo ou ao Concello de Burela, aínda que nós non atopamos ningunha documentación ao respecto. A sorpresa foi maior cando nos enteramos de que esa estrada non empeza no cruce Pascual Veiga/Arcadio Pardiñas senón que empeza no porto”. Barcia dixo que “é completamente anómalo que a día de hoxe unha calle ou varias como Eijo Garay ou Pascual Veiga pertenzan á Deputación, cando resulta que o Concello de Burela e antigamente o de Cervo tiñan feito actuacións na mesma. É de sentido común pensar que o Concello de Burela pida a transferencia polo menos no que se refire á zona de solo urbano consolidado que chega ata o cuartel da Garda Civil. Esta proposta foi aceptada polos tres grupos políticos”.
O alcalde de Burela seguiu a relatar que “non ocorreu o mesmo coa solicitude de transferencia das vías de servizo da variante, desde a raqueta do hospital ata o límite con Foz e desde a raqueta do hospital ata O Torno. A oposición entende que iso non terá beneficios, pero nós entendemos que sí”. González Barcia indicou que “si queremos sacar adiante un solo para dotacións hospitalarias no ámbito do hospital actualmente, si queremos modificar os nexos de comunicación entre a variante e esa zona, tal e como aparece no propio plan xeral, o que está claro é que temos que pedir a transferencia da vía de servizo da variante que vai desde a raqueta do hospital ao Torno. Da a impresión de que os grupos da oposición non teñen moito interés en que se desarrolle esa zona dotacional hospitalaria, co cal deberían aclarar si están a favor da ampliación do hospital ou non. Nós entendemos que sí é moi importante porque nos axudará a desenvolver o planeamento urbanístico nesa zona, onde pretendedemos que se leve adiante a ampliación do Hospital da Costa”.
O rexedor manifestou que “no que se refire ao treito entre a raqueta do hospital e o límite con Foz tamén é certo que no seu momento pode ser de grande utilidade para o desenvolvemento urbanístico desa zona. Pedimos estas transferencias por separado porque o estado dunha, a que vai desde a raqueta do hospital ata O Torno está en bó estado, e por certo quero recordar que foi acondicionada polo propio Concello de Burela, co cal non ten sentido que nós esteamos a arranxar carreteras que son doutros, por iso pedimos a transferencia. E o treito que vai desde a raqueta do hospital ata o límite con Foz está en mal estado, por iso aí pedímoslle a Fomento que nos faga a transferencia en condicións óptimas”. Ditas solicitudes de transferencia foron aprobadas cos votos a favor do PP e coas abstencións do Grupo Mixto e do PSOE.
Mocións
Na sesión plenaria de onte debatíronse dúas mocións presentadas polos populares. O alcalde, José María González Barcia, explicou “unha delas instando á Deputación Provincial para que comprometa fondos para manter a axuda no fogar, tal e como marca a lei 13/2008, elaborada polo bipartito. Resulta moi chocante que cando se lle pide algunha cousa á Deputación tanto o Grupo Mixto coma o PSOE poñen o berro no ceo. Nós o que lle pedimos é que cumpra coas súas competencias, que neste caso son as que as están enmarcadas nesa lei de servizos sociais de Galicia, que é moi clara, a Deputación ten que facerse cargo do servizo de axuda no fogar de base nos concellos de menos de 20.000 habitantes”. PSOE e Grupo Mixto opuxéronse a esta moción, que saiu para adiante igual dos votos do PP.
E a outra moción tamén dos populares foi para pedirlle á Deputación que faga modificacións presupostarias para que o Plan de Obras e Servizos provincial continúe coa mesma dotación económica que en anos anteriores, tal e como fixeron tamén as Deputacións da Coruña, Pontevedra e Ourense. Barcia sinalou que “nós aquí aceptamos unha proposta do Grupo Mixto que consistía básicamente en aportar cartos para o Plan de Obras e Servizos de distintas partidas do presuposto da Deputación. A sorpresa foi maiúscula cando o PSOE se abstivo. Esto non ten sentido, eles están demostrando que non están de acordo con que se fagan obras con cargo ao POS ou polo menos que non están de acordo en que sexa esta Deputación a que cumpra coas súas obrigas. Esto a nós chócanos porque despois de que un grupo político que tivo responsabilidades de goberno a impresión que da é que cando lles apreta o zapato pois quéixanse. Aquí o que hai é que defender os intereses de todos os veciños deste concello e por iso nós aceptamos a proposta do Grupo Mixto e por iso a moción foi aprobada cos votos do PP e do Grupo Mixto”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
