CINCO ANOS DE CRONICA 3 A MARIÑA
A Nebril…creo que o coñecín polas mutuas vinculacións con EL PROGRESO ou coa publicación que aquí se expón “O TRASNO”, quizais fora por medio de Xavier Rivera. A Emilio Legaspi foi a parentela mutua, a súa avoa Perpetua era prima de meu avó, e o lugar de nascencia, el algo despois de min en Demoroi, na parroquia de Nois onde compartimos algo da nenez e tamén algo de miseria, enténdasme, miseria traducida como pobreza e necesidade miserenta.
Despois foi NOSNET, onde tamén estaba outro amigo Brais, venderon aquelo como si fosen uns BILL GATES calquera..cun compromiso de que por un tempo non andarían montando ningunha historia na rede… pero por moitos menos cartos.
Nebril contarame un ano antes, a idea de Cronica3 A Mariña e pedirame colaboración, e tamén cumprín. Nas etapas anteriores tamén botei unha man, semana tras semana, estivera en Xunqueira, Paris, Milán ou onde a busca do pecunio me leva, mando o meu articuliño, que sempre publican integro, sen cortapisas nin censuras, e iso nos tempos que corren onde exercer a propia liberdade en voz alta séguese pagando duramente, é de agradecer.
A axenda política, e falo de política no real sentido do termo “Facer unha mellor Polis” que dicía Gramsi.
A realidade de cada novo día marca, cada vez máis, os medios de comunicación. Desde primeira hora, arroxan os temas a tratar na xornada que todos teremos que afrontar. A sociedade da información garante, en boa medida, a calidade democrática. Así pois, a conformación das correntes de pensamento precisan dun tratamento idóneo da noticia e de amplitude de miras sobre unha xestión pública que, sen dúbida, agora máis que nunca, require dunha concepción sobre a política máis estruturada e depurada.
Hai rutinas que permanecen co tempo, pero as rotativas andan famentas de cartos e publicidade. E o futuro é o dixital que será o que ofreza a última hora e ten o encargo tan épico como difícil de brindar a opinión, a análise e a profundidade sobre o que está ocorrendo para que o lector dispoña das claves fundamentais, e poder entender a actualidade que nos concirne.
Agora que se fala tanto de emprendedores e visionarios de novos negocios, non ven mal atoparse a fondo cunhas biografías que, poñendo moito tempo e cartos do seu peto potenciasen industrias culturais e de comunicación beneficiosas para o xurdimento dunha autentica liberdade de expresión.
Gracias pois a Manolo Nebril, a Emilio Legaspi e a tantos outros que os secundaron ou animaron nestas boas ideas e larga vida a CRONICA3 A MARIÑA, que por agora e un neno con moitas ocorrencias e tempo para desfrutalas .
Otero Regal
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
