Defender o indefendible
ESTA SEMANA, XUSTO CANDO SE CUMPRE UN ANO tras as últimas eleccións municipais, os edís do PP na corporación de Xove aprobaron en solitario a modificación do regulamento do Servizo de Axuda no Fogar, o que implicará un considerable incremento dos prezos desta prestación asistencial. Deste xeito, o noso concello vese fondamente afectado por unha decisión política do goberno da Xunta que, por decreto, decidiu excluírnos do seu financiamento simplemente por termos menos de 20.000 habitantes.
Na práctica, o que fai Feijóo con esta nova escusa de mal pagador é trasladarlle ao noso concello unha competencia sen sufragar gasto ningún. É dicir, o goberno galego obríganos a garantir uns servizos sociais comunitarios con cargo ao orzamento municipal, cando é a Xunta quen dispón de máis marxe de manobra e recursos para afrontar este tipo de políticas. Aínda que todo isto non comeza aquí, xa que as axudas autonómicas xa foron recortadas anos atrás. Para Xove, no 2010, o goberno do PP na Xunta destinou 53.439,48 euros ao Servizo de Axuda no Fogar Básico; mentres que o goberno do BNG na Deputación achegou 118.669,70 euros. E no ano 2011 o executivo de Núñez Feijoo destinou 13.600,02 euros, mentres que a Área de Benestar Social de Antonio Veiga asignou unha partida de 40.485,00 euros.
Pero isto non é todo. Nunha reunión convocada polo vicepresidente nacionalista da Deputación de Lugo á que asistiron os alcaldes de toda a provincia, unha das voces que defendeu con máis entusiasmo o recorte deste servizo público foi a do propio alcalde xovense. Esta actitude de submisión do PP local, non só aceptando, senón facendo seus os ditados feijonianos, é moi grave debido á excepcionalidade deste servizo no noso municipio. Unha postura incomprensible que só se pode cualificar de desleal coas persoas prexudicadas: 215 usuarios do servizo en Xove, 5 profesionais que veñen desenvolvendo este traballo desde o Concello e 43 empregadas da empresa Coidados S.L., que presta o Servizo de Axuda no Fogar en réxime de concesión.
Marco López
Portavoz do BNG de Xove
14/06/2012
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
