O BNG AGARDA QUE O GOBERNO LOCAL ELIMINE O GASTO DA PRAZA DE ASESORA EN CERVO QUE CONSIDERA INDECENTE PARA UN CONCELLO DE 4.500 HABITANTES.
O relevo da concelleira dimitida non debe cobrar das arcas públicas nin un euro mais do que percibía Pilar Álvarez ou estariamos falando de concelleiras de primeira e segunda clase.
Estúa afirma que o PP que teima en pedir austeridade aos demais mentres reparte con xenerosidade o que é de todos e todas entre os seus.
Cervo, 5 de xuño de 2012. O BNG agarda a eliminación que a dimisión da concelleira de Igualdade e Xuventude supoña un importante aforro para as arcas municipais de Cervo coa súa substitución pola até agora asesora da alcaldía, Pilar Armada. O portavoz municipal nacionalista, Xoán Antón Estúa García agarda que se elimine a praza de asesora o que suporá un aforro anual 21.000 euros, tanto como catro das oito medidas recadatorias aprobadas polo goberno local no Plan de Axuste. O nacionalista estima que nun concello como Cervo con menos de 4.500 habitantes “é indecente manter unha praza destas características” e confía en que o alcalde “non discrimine entre concelleiras de primeira e segunda clase”, poñendo á substituta da dimitida, Pilar álvarez, un salario superior ao que percibía a dimitida.
É indecente que no concello de Cervo con menos de 4500 o PP cree unha praza de asesora mentres se recortan servizos e persoal.
O BNG saiu ao paso das declaración dos alcalde, Alfonso Villares en relación ao posto de asesora da alcaldía que exerce Pilar Armada cun custo anual de 21.000 euros, para os nacionalistas este posto é indecente polo que significa “tanto en termos éticos como económicos” , “é indencente que o PP solucione os seus problemas internos con cartos pagados co diñeiro da cidanía” nun concello que non chega aos 4.500 habitantes e onde se está prescindindo de servizos e persoal. Os nacionalistas consideran que “non son comparabeis”, como fai Villares, a administración local que preside coa Deputación xa que esta “multipilca por 20 o orzamento do concello de Cervo e conta cun volume moi superior de traballo.”
A concelleira dimitida tiña un salario asignado de 8.429,36 que debería respectarse para o seu relevo ou estariamos diante de concelleiras de primeira e segunda clase.
Para o portavoz municipal nacionalista, Xoán Antón Estúa García, a dimisión de Pilar álvarez debería servirlle ao alcalde para “rectificar e baixar á terra”, “si Pilar Armada recolle o testigo da concelleira demitida debería eliminarse o gasto de 21.000 euros de asesora da alcaldía e asumir o posto co salario que percibía Pilar álvarez xa que en caso contrario estaremos falando de concelleiras de primeira e segunda división”. O nacionalista insistiu en que “as arcas públicas non poden servir para amañar os problemas persoais de ninguén, incluído o PP que teima en pedir austeridade aos demais mentres reparte con xenerosidade o que é de todos e todas entre os seus”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
