PROMAGAL REMATA ESTA SEMANA O ACORDO DE SUMINISTRO DE
MADEIRA A ENCE ABRINDO A VENTA NOS MERCADOS EXTERIORES”
Despois de varios meses tratando a renegociación, Promagal non chega a acordo
con Ence por considerar incoherente a súa política de compras.
19 de Xuño 2012. O día 24 de xuño é a data oficial de remate do acordo entre Promagal
e Ence asinado o 24 de maio de 2011. O suministro neste periodo foi de 250.000
toneladas de madeira de eucalipto con casca a un prezo de 34,15 €/tonelada para o
produtor. A proposta que Ence prantexa a Promagal é a de operar como unha central de
compras e asumir unha baixada de entre 3 e 12 €/tonelada par ao produtor, aspecto éste
ao que Promagal non está disposto a asumir, xa que os prezos da pasta continúan a subir
(+137,28 $/ton. dende principios de ano, cotización actual: 786,13 $/ton. ou 630,52
€/ton ). A proposta de Promagal é a de continuar cos prezos establecidos no ano 2011,
polo que recomenda aos seus asociados non vender madeira por debaixo destes prezos.
Neste contexto de subidas de prezos na pasta, Promagal oferta madeira nos mercados
internacionáis interesados no consumo de eucalipto para a producción de pasta de papel.
Actualmente xa mostraron interese na compra de madeira a Promagal diferentes
compañías, interesadas no suministro continuado de cantidades importantes de eucalipto
a prezos competitivos.