O IV ENCONTRO NO EIDO DOURADO DO PASADO SÁBADO FOI UN ÉXITO. ARREDOR DE 200 PERSOAS ACOMPAÑARON A CELSO DOURADO NO ARRANQUE DA CUARTA TEMPADA DESTE ESPAZO ADICADO AO ARTE.
Barreiros, 2 de xullo de 2012. Arredor de 200 persoas disfrutaron o pasado sábado do IV Encontro no Eido Dourado, que contou coa presenza de Manuel Lourenzo, Carlos Reigosa, Laura Branco, Fernando Villapol, Mini e Mero, Tino Baz e Najla Shami. Celso Dourado asegura que a cita “foi un éxito. Veu xente de Lugo, de Viveiro e do Occidente asturiano. Estou moi contento polo discorrer do Encontro e por poder contar con todas as persoas que nos quixeron acompañar o pasado sábado”. Dourado engadiu que “na parte musical os que máis impactaron foron Tino Baz e Najla Shami, porque eran bastante descoñecidos na nosa comarca”.
Con esta festa arrinca a cuarta tempada do Eido Dourado na praia de A Pasada en Barreiros. Este espazo adicado ao arte estará aberto de martes a domingo, desde mañá 3 de xullo, e ata mediados do mes de setembro. O horario de visita é de 11:30 a 13:30 horas polas mañás e de 18:00 a 21:00 horas pola tardes.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
