O CARME E A SALVE
A festa do Carme constitue a mais expresiva manifestación das devocións colectivas dos focegos. Cada ano, chegado o 16 de xullo, Foz imprégnase dese hálito emocional que emana da figura sublime da Virxe do Carme, excelsa Patrona dos mariñeiros. A impresionante imaxe venerada na igrexa parroquial, que se eleva salvadora sobre escena de tráxico realismo, atrae hacia Ela a atención fervorosa de quen coñecen da fraxilidade da vida do mar e acaso no mais recóndito do corazón mantén viva a chama dunha fe que ten por Norte á Estrela dos Mares.
Os actos relixiosos centran a festividade e configuran toda unha declaración de pleitesía; e terra, mar e aire únense para cantar de consuno á Nai do Divino Amor. Soan as sirenas dos barcos, vibran as voces que entoan a Salve Mariñeira e as rúas engalánanse coas artísticas alfombras que requeriron o traballo entusiasta de homes, mulleres e nenos que rivalizan noblemente no afán de ofrendar o mellor do seu esforzo e da súa maxinación á Virxe que, trunfante, será paseada polo multicor e mol céspede.
As emotivas vivencias dun pobo que ten no mar o protagonismo da súa historia, acadan o cenit coa interpretación da Salve que a mariñeiría cantaba dende os tempos da fragata “Asturias” (1859) e que, unha Orde de 16 de novembro de 1942 establecía como obrigada nos buques e dependencias da Armada.
O 21 de decembro de 1870 estreábase no madrileño Teatro da Zarzuela a titulada “El Molinero de Subiza”, de Luis de Eguilaz e Cristóbal Oudrid, que ten unha escena na que, ó sair a procesión, solistas e coro cantan “Salve, Estrella de los Cielos…”, Anos despois éstes convértense en “mares” e así nace a Salve Mariñeira. O arreglo musical débese ó Músico Maior de Infantería, Camilo Pérez Monllor. A letra soe sufrir pequenas modifcacións ó interpretarse en distintos lugares, pero en Foz cántase tal e como figura no arreglo musical… “De tu pueblo, / a los pesares /tu clemencia dé consuelo./ Fervoroso llegue al cielo / y hasta ti nuestro clamor…”
Suso Fernández
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
