Ducias de persoas súmanse ás reivindicacións de Deputación e Club Náutico de Foz participando na III Peregrinación Marítima
– 30 persoas viaxaron gratis nos 14 veleiros de Ribadeo, Viveiro, Foz, Xixón e Luanco que participaron na iniciativa reivindicativa da mellora das instalacións portuarias, do mar lugués e da declaración oficial do Camiño da Costa para xerar riqueza e emprego na provincia
– O Deputado mariñano, José Ramón Val Alonso, foi o encargado de levar o timón do veleiro focense “Veranea en Lugo”, que luciu a bandeira da Deputación e a vela de cor azul
14 veleiros chegados dende Ribadeo, Viveiro, Foz, Xixón e Luanco participaron este sábado na III Peregrinación Maritíma pola Costa de Lugo, organizada por Deputación e Club Náutico de Foz nesta localidade mariñana. Xunto a eles, 30 persoas viaxaron de balde nos navíos, sumándose, deste xeito, ás reivindicacións da institución provincial, compartidas polo club focense, para mellorar as instalacións portuarias, impulsar ó exterior o mar lucense e recoñecer oficialmente o Camiño da Costa como ruta xacobea.
Por mor destas pretensións, asistiron á terceira edición deste evento turístico-deportivo o Deputado de Economía do Coñecemento, Emprendedores e Innovación, o focense José Ramón Val Alonso, e o Presidente do Club Náutico de Foz, Francisco Fernández Rego. Val Alonso foi o encargado de levar o timón do veleiro focense “Veranea en Lugo”, que luciu a bandeira da Deputación e a vela de cor azul.
A regata comezou ás 17:30 horas, unha vez que as embarcacións, procedentes dos principais portos da provincia, chegaron ás inmediacións da praia da Rapadoira. Para elo, a maior parte dos navíos saíron ás 15:00 horas do porto de Ribadeo e transcorreron pola Illa Pancha entre as 14:00 e as 15:00 horas, pasando o segundo control fronte ás praias de San Cosme e Punta Promontorio ata chegar ó lugar de concentración na Ría de Foz, á altura da praia da Rapadoira. Os restantes navíos partiron da zona leste ás 10:30 horas dende o porto de Viveiro, pasando polos Farallóns de San Cibrao, entre as 12:45 e as 13:30 horas, a praia de Arealonga e Punta Fazouro, entre as 14:45 e as 16:00 horas, para entrar finalmente no campo de regatas.
O evento turístico-deportivo remataba ás 19:30 horas, momento de entrada dos veleiros no porto de Foz, logo de 2 horas nas que as embarcacións navegaron polo Golfo do Masma pasando polas boias sinaladas. Finalmente, ás 21:00 horas no Cenima, todos os participantes foron agasallados por diversos obsequios institucionais. Ademais, os primeiros tres clasificados recibiron trofeos conmemorativos. Mañá, domingo 29, as embarcacións sairán ás 12:00 horas cara os seus portos de destino.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
