O BNG DA MARIÑA INSTA A XUNTA A QUE EVITE DESPEDIMENTOS NA PLANTA DE VESTAS EN VIVEIRO
Antonio Veiga afirma que “a difícil situación da multinacional é consecuencia directa da paralización do concurso eólico”
A Mariña, 24 de agosto de 2012. O responsable comarcal do BNG na Mariña, Antonio Veiga, amósase preocupado pola incertidume creada tras o anuncio feito por Vestas de que despedirá a 1.400 empregados e que aínda se descoñece se afectará á planta que a multinacional ten na comarca da Mariña.
Veiga asegura que de verse afectada a factoría viveirense sería outro duro golpe para A Mariña que, case a diario, rexistra novos expedientes de regulación de emprego. “Mentres a industria da comarca se desmantela e o paro segue a medrar, máis dun 52% nos últimos tres anos, a Xunta de Galiza permanece impasible. O Executivo galego debe facer todo o que sexa preciso para evitar despedimentos na planta de Vestas, na que traballan preto de 200 persoas”.
Dende o BNG insisten en que “esta e unha das moitas consecuencias da decisión do Goberno de Núñez Feijóo de paralizar o concurso eólico da anterior Xunta de Galiza co que estaba previsto triplicar a man de obra de Vestas. Xa no seu momento, foron os propios directivos da multinacional os que recoñeceron, publicamente en reiteradas ocasións, os problemas que dita parálises suporía para a factoría. Os que fixeron da legalidade a súa bandeira son os mesmos que a incumpren e que coas súas decisións sumen á comunidade no atraso”.
A Mariña é a zona de todo o país con máis potencia eólica instalada, dos 4.700 megavatios dos que dispón Galiza, 1.800 están nesta comarca polo que, para Veiga “na comarca, a decisión ilegal de suspender o concurso eólico ten consecuencias negativas que van máis alá das indemnizacións que deberá pagar ao Goberno galego xa que afecta de xeito directo ao emprego”.
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
