O Concello cede o antigo local do veterinario a tres asociacións de Cervo
-As entidades beneficiarias solicitaran o uso destas instalacións ao carecer dun local de uso propio e o Concello atendeu a demanda para optimizar o aproveitamento dos recursos municipais
Cervo, 21 de agosto de 2012-A Asociación A Fervenza, a comunidade de montes A Bidueira e a ANPA do CEIP de Cervo poderán utilizar dende hoxe o antigo local do veterinario situado na vila cervense para o seu uso e aproveitamento asociativo. O Concello cedeulle estas instalacións ás tres entidades, un trámite que se fixo efectivo esta tarde no acto de entrega das chaves do local no que estivo presente o alcalde, Alfonso Villares, a edil de Servizos Sociais, Pilar Armada, a de Xuventude, Tania González, a de Cultura, Begoña Alonso así como varios representantes das entidades beneficiarias.
Foron as asociacións as que se puxeron en contacto co Concello para solicitar a utilización do local, de titularidade municipal, do que a partir de agora disporán estas entidades. Deste xeito, as asociacións receptoras contarán cun local de uso propio do que ata o de agora carecían e que poderán utilizar para todo tipo de tarefas e actividades relacionadas cos seus fins como asociacións.
Coa cesión do local, o Concello pretende apoiar o labor destas asociacións “poñendo ao seu dispor unhas instalacións que lles permitan traballar mellor no desenvolvemento das súas actuacións e na organización de actividades, contribuíndo así ao seu dinamismo e polo tanto, en favor de toda a sociedade cervense” explica a edil de Xuventude, Tania González. Unha acción “coa que conseguimos que os distintos recursos municipais cos que contamos estean ben aproveitados, sempre en beneficio da veciñanza” engade a concelleira.
“Dende o Concello colaboramos continuamente coas distintas asociacións, prestámoslles apoio e tentamos atender todas as súas demandas na medida das nosas posibilidades co obxectivo final de seguir mantendo un tecido asociativo tan rico e dinámico como o que temos na actualidade” remata González.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
