OS CHEIROS DE FOZ
A actualidade apesta. Digamos que os cheirumes son, dende hai anos, parellos ó discorrer de moitos días. Agora, con razón, a veciñanza queixase da depuradora; ulido que, mais ou menos, soportamos dende o día que foi inaugurada e que rexeitara a maioría dos veciños, pois era doado prever o que ía ocorrer en emprazamento tan desafortunado, e do que acotío advertían as xentes sabedoras do funcionamento e dos riscos destas instalacións.
O 21 de setembro de 2001, cando se barallaba o incrible proxecto de trasladar as residuais de Barreiros a Foz, cruzando a ría e, tras o tratamento oportuno, devolvelo ó mar, dicíamos no xornal: “Ninguén pon en dúbida a necesidade da actuación, pero a evidencia obriga a ser cautos e reflexivos e non permitir que tal feito deixe secuelas nefastas para o futuro de Foz, pobo que se afianza na súa vocación de veraniego e residencial.” ”A beiramar é o maior atractivo destes pobos. E nós, dende hai anos, vimos masacrando o que temos de máis fermoso e polo tanto devaluando a que é materia prima na que se asenta a oferta dos nosos atractivos. Non é fácil entender como o trebello, que ofrece a posibilidade evidente de danar o ambiente e os arredores, se sitúe en lugar de privilexio cando cumpriría a mesma misión dende calquera outra ubicación”.”O porto, que apenas cumpre as funcións para as que foi concibido, no urbano forma un todo coa vila e constitúe a súa paraxe mais atractiva. Hai que adoptar actitudes racionais e aplicar o sentido común sen correr o risco de deixar unha hipoteca mais ó pobo. Non destruamos o patrimonio máis preciado. Non sexa que alguén nos lembre aquelo do pintor Laxeiro: Que pobo mais fermoso pero… ¡que carallo de xente!”
Eso dicíamos hai máis de 10 anos e mantémolo. Rexeitamos por igual o cheiro da depuradora que o que sae das palabras demagóxicas e contaminadas dos que no seu día foron defensores e co-autores da desfeita e néganse agora a que se corrixa o que é símbolo de auténtica barbarie. ¿e aqueles que falaban de levar ó parlamento a deslocalización e agora queren que siga aí?; será que non viven xa sen o perfume ou pola estética visual, que os namora, en harmonía coa piscina pegadiña?. Hai quen se pregunta se o que cheira realmente é o depurado ou a inmundicia ética de certos políticos…
Suso Fernández
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
