O BNG DA MARIÑA CHAMA A MOBILIZARSE CONTRA O DESEMPREGO NA COMARCA
Unha caravana automobilísitica percorrerá, o vindeiro sábado, a ‘Ruta dos Eres’, dende Mondoñedo até a planta de Alcoa en San Cibrao
Antonio Veiga alerta “do desmantelamento do tecido produtivo da Mariña que provocou un incremento do paro do 52% nos últimos tres anos”
A Mariña, 13 de setembro de 2012. O responsábel comarcal do BNG da Mariña, Antonio Veiga, pide á sociedade que se mobilice contra a destrución de emprego que se está a vivir na comarca e chama a todos o mariñaos e mariñás a que participen na ‘Ruta dos Eres’, unha caravana automobilística que sairá de Mondoñedo, o vindeiro sábado ás 17:30 horas, e finalizará na planta de Alcoa, en San Cibrao, pasando por Lourenzá, Foz e Burela, diante dalgunhas das empresas afectadas por expedientes de regulación de emprego.
Veiga alerta da “grave situación que atravesa a comarca debido ao desmantelamento do seu tecido produtivo, o que provocou un incremento do desemprego do 52% nos últimos tres anos. Empresas fundamentais para a estrutura económica da Mariña botaron xa o peche ou están afectadas por Eres de extinción ou procesos concursais; Ecar, en Mondoñedo; Hermida, en Lourenzá; e Mon, en Burela, son só algúns casos”.
Dende as filas nacionalistas manifestan que, a día de hoxe, a súa máxima preocupación é a continuidade da actividade da planta de Alcoa. Neste senso, o responsable comarcal asegura que “o futuro económico e social da Mariña pasa por garantir a continuidade da factoría, algo que non vai acontecer até que se estabeleza unha tarifa eléctrica competitiva que permita manter os 2.000 postos de traballo actuais que xera a planta de forma directa e a través das súas auxiliares, aportando ao redor do 35% do PIB lucense. A deslocalización de Alcoa sería un golpe mortal para A Mariña”.
A agravar esta situación contribúe a delicada situación que vive o pequeno comercio por por mor da suba do IVE, medida que se prevé cause o peche de pequenas e medianas empresas que non poderán facer fronte a este novo contexto económico.
Para os nacionalistas os cidadáns deben mostrar o seu rexeitamento ás políticas neoliberais adoptadas polos presidentes populares Mariano Rajoy e Núñez Feijóo e que, segundo explica Veiga, “están a cargar o peso da crise nos máis débiles. Coa ‘Ruta dos Eres’ pretendemos charmar a atención dunha situación insostíbel e reclamar a posta en marcha doutro tipo de medidas para saír da crise e que sitúen no centro do sistema o benestar dos cidadáns”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
