ANTONIO VEIGA PARTICIPA NA MANIFESTACIÓN NA DEFENSA DA CONTINUIDADE DE ALCOA
O responsábel comarcal do BNG na Mariña afirma que “o tempo esgótase e desde o BNG, xunto a todos estes traballadores e as súas familias que hoxe se manifestan, reclamamos aos gobernos da Xunta e do Estado que atopen solucións”
Os nacionalistas non queren que ”o PP siga a xogar ás agachadas, desoíndo o clamor da sociedade mariñá que demanda un futuro para a comarca que pende do fío da continuidade de Alcoa”
A Mariña, 13 de setembro de 2012 O responsábel comarcal do BNG na Mariña e vicepresidente da Deputación de Lugo, Antonio Veiga, participa hoxe xunto a outros militantes e membros do BNG da Mariña na manifestación convocada polos traballadores de Alcoa para este mediodía, ás 3 da tarde, que consistirá nunha marcha desde a factoría até o cruce do Castelo. Antonio Veiga asegura en que “o tempo esgótase e desde o BNG, xunto a todos estes traballadores e as súas familias que hoxe se manifestan, reclamamos aos gobernos da Xunta e do Estado que atopen solucións. O PP non pode seguir xogando ás agachadas, desoíndo o clamor da sociedade mariñá que demanda un futuro para a comarca que pende do fío da continuidade de Alcoa”.
Desde o BNG xa reclamamos con todos os nosos medios e diante de todas as institucións, desde meses atrás, tendo que escoitar mentiras de certas persoas que afirmaban que as solución á tarifa eléctrica se coñecerían en agosto, –recriminou Veiga, que Alcoa é vital para a Mariña e que se debe asegurar a súa continuidade nun contexto de crise como o que vivimos, polo que non se pode dilatar máis no tempo a solución a este atranco. É o momento de que quen ten competencias na materia solucione o problema da tarifa eléctrica, se é que os gobernos de Mariano Rajoy e o seu cómplice Feijóo son capace de pór sobre a mesa algunha medida ao respecto. Estamos nunha situación límite a consecuencia da falla de preocupación, interese e acción de goberno dos executivos central e autonómico”.
Nesta liña, Antonio Veiga demandou “inmediatez na resposta diante dos traballadores e as súas familias e tamén inmediatez na decisión política pertinente, que garanta unha tarifa eléctrica que permita a Alcoa seguir funcionando cos seus marxes de beneficio sen que os elevados custes da enerxía repercutan nela, facendo que deixen de sobrevoar sobre a Mariña as pantasmas dunha deslocalización desta factoría, o que sería a noticia máis grave para a comarca e o que ningún mariñán desexa”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
