A acción de goberno de Alberto Núñez Feijóo blinda os servizos públicos de atención a persoas con necesidades asistencias e garante a súa solvencia
Balseiro afirma que o Partido Popular na Xunta cuadruplicou o número de persoas con dependencia atendidas na Mariña lucense
O actual goberno autonómico ten feito un gran esforzo por mellorar os recursos e infraestruturas de benestar pese a que as circunstancias económicas e orzamentarias son especialmente difíciles.
Novas dotacións impulsadas polo goberno galego nesta coamarca son: a residencia para persoas maiores de Viveiro (150 prazas), a vivenda comunitaria de Alfoz (10 prazas) ou o centro de día de Lourenzá (30 prazas). En construción, en Cervo, unha residencia con centro de día (78 prazas), un centro para discapacitados intelectuais e os apoios ás iniciativas de ASPANANE e COGAMI
Mariña lucense, 26 de setembro de 2012.- O deputado autonómico e número tres da candidatura do PP na provincia de Lugo, afirmou hoxe que a Xunta de Galicia desde o acceso ao goberno do Partido Popular cuadriplicou o número de persoas con dependencia atendidas na Mariña lucense.
“A pesar de que socialistas e nacionalistas presumen do ámbito social, os datos demostran que nunca antes como agora foron atendidas tantas persoas maiores, ou con discapacidade, como consecuencia das políticas, fondos ou servizos promovidos pola Xunta. En consecuencia, o bipartito tivo unha xestión no ámbito de benestar decepcionante se a comparamos coa do actual goberno galego. Eles non foron quen de chegar a estes niveis de asistencia ainda a pesar de que gobernaron en tempos de bonanza e non de dificultade como os actuais”-dixo Balseiro.
NOVAS DOTACIÓNS
O deputado popular lembrou que tras tres anos e medio de xestión popular na Xunta, a nosa comarca dispón nunha nova residencia de atención a persoas maiores, a situada en Viveiro,con 150 prazas e 2,2 millóns de euros destinados ao seu mantemento anual -o das prazas concertadas- así como a creación dunha vivenda comunitaria de 10 prazas no concello de Alfoz ,ou o centro de día de Lourenzá (30 prazas)
En construción, co impulso da Xunta está tamén a residencia con centro de día para persoas maiores e dependentes de Cervo cun investimento global de 1,9 millóns de euros e 53 e 25 prazas respectivamente e os apoios á construción dun centro para enfermos mentais no que se teñen previsto investir 651.000 euros.
A todas estas cifras sumaríamos os apoios a distintas asociacións que traballan no ámbito da atención a persoas con necesidades especiais e os apoios as equipacións e axudas para a apertura de centros de día para discapacitados intelectuais como as que teñen sede en Burela (centro Suafonte), ou Mondoñedo (reforma do centro San Pablo e San Lázaro de discapacidade intelecual), Viveiro (apoios a ASPANANE, centro de día ocupacional) e Xove (máis de medio millón de euros para o centro ocupacional en fase de construción de COGAMI)
BLINDAR A ACCIÓN DO GOBERNO
Estes datos demostran que a acción de goberno de Alberto Núñez Feijóo serviu para blindar os servizos públicos de atención a persoas con necesidades asistencias e garante a súa solvencia e, todo iso, pese a que as circunstancias son especialmente difíciles
Ademais, multiplicando as infraestruturas sanitarias búscase que os dependentes aproveiten a rede de equipamentos e infraestruturas sociais postos en marcha polas administracións públicas, ofrecendo unha alternativa profesional ao coidado e atención destas persoas e ofrecendo unha alternativa fiable aos coidadores do entorno familiar.
“En Galicia, desde que chegou Feijóo, un 60% dos dependentes están situados en residencias e centros de día da Xunta. O gasto social ten, nestes novos equipamentos de benestar, os seus froitos”- conclúe Balseiro.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
