Ribadeo FS 2-4 FSF Concello de Guntín
A falta de puntería privou o Ribadeo FS de conseguir algo positivo ante un bo Concello de Guntín (2-4). De novo os erros en finalización negáronlles ás mariñás os tres puntos, con moitas máis ocasións que as visitantes. Tres xornadas sen coñecer a vitoria relegan ás ribadenses ao antepenúltimo posto, con tan só 1 punto recollido ante o FC Meigas, na estrea de tempada.
Un mal inicio de partido levou as locais a un marcador adverso de 0-2. Noelia, ao minuto e medio, e Laura Vázquez, tres máis tarde, foron as autoras dos dous tantos cando aínda as mariñás non se asentaran na pista. O resto do encontro foi unha entrega total das xogadoras de Martínez, que vían como os seus disparos non acertaban cos tres paus. Chegou a esperanza a falta de 2 minutos para irse ao descanso, cando Ana conseguiu o 1-2, nun remate de saque de esquina.
Saíron de novo as ribadenses arriscándoo todo e buscando moi arriba a un rival con oficio que se dedicaba a contragolpear. O tempo transcorría e as da Mariña arriscaban un pouco máis en cada minuto na busca da igualada. Con todo, no minuto 30 Carmen bateu a Antía, subindo o 1-3 ao luminoso. Mentres tanto, a madeira repelía os disparos das locais e de novo apareceu o Guntín, nunha nova contra ben levada por Noelia, a falta de 3 minutos, con 1-4. As pupilas de Martínez non se entregaron e aínda non transcorrera o minuto 37 cando Elvira conseguiu reducir distancias, de tiro cruzado, e pór o 2-4 definitivo.
O próximo partido para as da vila do Eo será a visita ao pechacancelas, Cidade das Burgas, que coincide coa xornada de descanso do equipo ourensán de Primeira División.
Ficha técnica
Ribadeo FS: Antía, Ana, Toñi, Elvira e Helena, cinco inicial; tamén xogaron Sabela, Nuria, Yoli, Eva e Arancha.
FSF Concello de Guntín: Jessica, Noelia, Lorena, Laura e Patricia, cinco inicial; tamén xogaron Mª del Carmen, Laura Legaspi, Carolina, Paula e Amanda.
Árbitros: Nino Silvarrey Vilar e Eva Fernández Lorido, da delegación de Lugo. Mostraron cartón amarelo a Lorena, do Concello de Guntín.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
