O CONCELLO SOLICITA O VALADO DA ESTRADA PROVINCIAL QUE PASA POLAS PROXIMIDADES DO ENCORO DE SANTA MARÍA MAIOR POLA SÚA PERIGOSIDADE. ADEMAIS HOXE REMATA A REPARACIÓN DO VIAL COÑECIDO COMO “CAMIÑO A” E A ALCALDESA RECLAMA O PAGO DO ARRANXO Á DEPUTACIÓN.
Lourenzá, 11 de outubro de 2012. O Concello de Lourenzá enviou un escrito á Deputación de Lugo para solicitar o valado da estrada provincial CP-2805 ao seu paso polo encoro de Santa María Maior para evitar a perigosidade para a circulación neste punto, segundo explicou esta mañá a alcaldesa, Emma Álvarez Chao.
A rexedora comentou que “unha vez rematadas as obras de dragado do encoro de Santa María Maior, no Concello de Lourenzá, concretamente na parroquia de Santo Tomé, onde a Xunta de Galicia investiu un millón de euros, cremos que a Deputación de Lugo debe valar a estrada da súa propiedade CP-2805 á altura deste encoro á maior brevidade posible debido ao perigo que supón para a circulación”. O Concello xa enviou esta solicitude por escrito ao organismo provincial.
Por outra banda, o Concello remata hoxe as obras de arranxo da estrada coñecida como Camiño A, “vial sobre o que levamos varios meses disputando a súa titularidade coa Deputación de Lugo”, anunciou Emma Álvarez, quen explicou tamén que a reparación “consistiu na construción duha lousa de formigón armado en toda a anchura da calzada nunha lonxitude aproximada de 8 metros sobre a cal se aplicou unha capa de rodadura de asfalto similar á existente”.
E a alcaldesa comentou ademais que “como non podía ser doutro xeito e tendo en conta que esta estrada, a CP-2801, coñecida como Camiño A, cremos que é titularidade da Deputación de Lugo, comunicámosllo ao delegado da área de Xestión Territorial, o señor Martínez, para que teña constancia do arranxo e en días sucesivos procederemos a reclamar o pago desta obra á Deputación”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
