Posta en común das políticas dirixidas á muller
O PP convoca unha reunión de traballo con mulleres o domingo coincidindo coa visita de Ana Pastor á Mariña
O encontro terá lugar o domingo 14, ás 14:00 horas, no restaurante Asador de Barreiro e no que se prevé que participen un amplo número de mulleres que se informarán sobre as propostas nesta área do Partido Popular
No xantar de traballo estará presente a Ministra de Fomento, Ana Pastor, un referente de muller política “constante e comprometida coa Mariña e con Galicia”.
Lugo, 11 outubro 2012.- O Partido Popular de Lugo convoca para o vindeiro domingo 14 unha reunión de traballo con mulleres dos 16 concellos da comarca da Mariña coincidindo coa visita da Ministra de Fomento, Ana Pastor. Durante o encontro, os populares explicarán as políticas do programa electoral no que atinxe as medidas comprometidas co desenvolvemento de oportunidades da muller.
O encontro terá lugar ás 14:00 horas, no restaurante Asador de Barreiros, e nel prevese que participen un amplo número de mulleres que, de xeito directo e indirecto, participan do proxecto do programa popular e veñen a reunión para documentarse e poder ser distribuidoras das propostas populares.
Así mesmo, durante a xuntanza tamén se poñerán en común as necesidades e demandas deste colectivo, co obxecto de darlle traslado a administración tendo en conta que son os entes públicos os que deben poñer a disposición da cidadanía os recursos e servizos necesarios que garantan as demandas de necesidades das mulleres.
No acto contarán coa presenza da Ministra de Fomento, Ana Pastor, a que dende o PP definen como unha muller política, referente como exemplo de traballo de constancia e sobre todo de compromiso coa Mariña e con Galicia
Polo tanto, neste contexto os populares porán de manifesto que o seu compromiso coa sociedade pasa por favorecer a liberdade de elección de homes e mulleres no momento de xestionar as súas responsabilidades, polo que no seu programa electoral seguirá promovendo iniciativas que removan os obstáculos que impiden a plena compatibilización entre a vida laboral, persoal e familiar. Para elo, promove a sensibilización a favor da igualdade efectiva, de xénero en todas as áreas, observando e investigando para mellorar o coñecemento sobre a problemática da violencia de xénero.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
