O candidato á presidencia da Xunta expuxo no mitin de Foz as propostas que pretende levar a cabo no municipio
O PP de Foz agradece a Feijóo o seu firme compromiso coa localidade
O concelleiro Pedro Fernández Manín refírese a Feijóo como “un presidente coñecedor das necesidades dos focenses e implicado coa localidade”
Alberto Núñez Feijóo asegurou que neste 2012 se fará o dragado da entrada da dársena do porto focense a que solo falta a licitación, ao tempo que recordou o seu compromiso coa reestruturación do porto deportivo e a construción dunha residencia da terceira idade
Foz, 13 outubro 2012.- O Partido Popular de Foz a través das palabras do seu concelleiro, Pedro Fernández Manín, agradece ao candidato á Xunta de Galicia, Alberto Núñez Feijóo, o seu firme compromiso coa localidade, tal e como o puxo de manifesto o popular no mitin celebrado esta semana no municipio da Mariña.
Pedro Fernández Manín fai referencia a boa disposición amosada polo presidente que de forma “taxante”, anunciou as propostas que pretende levar a cabo no municipio respondendo “a unha demanda imperiosa dos veciños, tanto no que se refire a mellora de infraestruturas para as actividades vinculadas co mar como en compromisos dirixidos a garantir o benestar dos maiores”.
En concreto, durante esta anualidade Alberto Núñez Feijóo asegurou que estará rematado o dragado da entrada da dársena do porto focense a que solo falta a súa licitación, e así mesmo anunciou para a próxima lexislatura a reestruturación do porto deportivo e a construción dun residencia e centro de día da terceira idade.
Tralo mitín de Foz no que os populares focenses e Alberto Núñez Feijóo puxeron en común as demandas do municipio; o concelleiro local referiuse ao candidato a reelección de presidente da Xunta de Galicia como un home “coñecedor das necesidades dos lucenses e comprometido con Foz e coa Mariña”.
Así, Fernández Manín tamén referiu ao compromiso adquirido por Feijóo para a ampliación do Hospital da Costa “un servizo que redundará no beneficio dos focenses” e a mariña en xeral, e ao trato que o actual presidente da Xunta de Galicia profesou cos traballadores da Alcoa cos que acompañado dos alcaldes presentes mantivo unha reunión na que lles informou que xa estaba firmada a orde ministerial para a bonificación da tarifa eléctrica, o que significa que esta non será o problema para que Alcoa peche a súas fábricas en Galicia. Unha vez mais demóstrase que o Partido Popular de Galicia está ao lado dos traballadores.
Nesta mesma liña, o concelleiro popular agradece “a filosofía” e “esa cooperación” manifestada por Alberto Núñez Feijóo coa localidade, co obxecto de impulsar infraestruturas de importante necesidade para os veciños do municipio
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
