O PP instou en xullo ao equipo de goberno provincial á posta en marcha inmediata do Plan de Obras e Servizos, o chamado POS
O PSOE e o BNG na Deputación incumpren o acordo plenario unánime para a firma inmediata de convenios cos concellos dentro do POS
O equipo de goberno asumiu en xullo operativizar de forma inmediata os investimentos das cantidades orzamentadas para o POS, un plan que dinamiza a economía, fomenta emprego e atende demandas obxectivas e necesarias para os veciños
A inmediatez asumida pola Deputación na execución do Plan quedou en papel mollado, xa que a menos de tres meses para o peche da anualidade, os rexedores locais seguen a descoñecer o proceso e o futuro deste plan e polo tanto, seguen sen poder planificar as cantidades consignadas nos orzamentos locais para este fin
Os populares instan ao equipo de goberno a que cumpra este acordo de xeito inmediato, tal e como se comprometeron, e máis tendo en conta a supresión do Plan de Pequenas Infraestruturas e que os concellos gobernados polo PP non están a recibir “nin un só euro desta Deputación”.
Lugo, 10-10-2012 – O PSOE e o BNG na Deputación provincial de Lugo incumpre o acordo plenario aprobado por unanimidade en xullo e presentado a iniciativa dos populares, en cuxa moción instaban á Deputación provincial de Lugo a que procedera de xeito inmediato á posta en marcha do Plan de Obras e Servizos entre as cantidades consignadas para tal fin por parte do ente lucense e dos concellos da provincia de Lugo. Os populares instan ao equipo de goberno a que cumpra este acordo plenario de xeito inmediato, tal é como se comprometeron. A portavoz provincial, Elena Candia, reitera a necesaria inmediatez na execución do POS dada a falta de colaboración da Deputación cos concellos manifestada “na supresión do Plan de Pequenas Infraestruturas e no feito de que concellos gobernados polo PP non están a recibir “nin un só euro desta Deputación”.
Co obxecto de impulsar e concretar os compromisos asumidos polo BNG e o PSOE en anteriores sesións plenarias e proporcionarlle a información a que teñen dereito os rexedores locais; o Grupo Provincial do Partido Popular rexistrara esta iniciativa a cuxo acordo se comprometeron dende o goberno provincial asegurando, segundo palabras do portavoz socialista Manuel Martínez, que “imos manter o POS en Lugo, dixémolo e reiterámalo”.
Os populares denuncian de novo que a menos de tres meses do peche deste exercicio, os rexedores locais seguen a descoñecer o proceso e o futuro deste plan e polo tanto, seguen sen poder planificar as cantidades consignadas nos orzamentos locais para este fin.
A portavoz do Partido Popular na Deputación, Elena Candia, recorda a importancia deste plan, abalada coas propias declaracións en sesión plenaria dos voceiros do PSOE e do BNG que referín ao POS como “necesario e importante, que dinamiza a economía provincial e tamén fomenta o emprego”. Pese a esta concepción, Candia denuncia que o ente provincial siga sen priorizar na súa xestión a cooperación cos concellos.
Segundo a portavoz provincial, está situación está a preocupar aos rexedores locais, que non só viron eliminado o Plan de Pequenas Infraestruturas, senón que agora non saben como se vai executar nin en que prazos o Plan de Obras e Servizos por parte do equipo de goberno da Deputación.
Elena Candia pídelle á Deputación provincial que cumpra co seu compromiso cos lucenses e que atenda, polo tanto, ás preocupacións dos rexedores, xa que tres meses despois de asumir o compromiso da posta en marcha inmediata do POS, o Goberno de Gómez Besteiro segue sen actuar e polo tanto descoñécese o que vai a pasar co 1.700.000 euros orzamentado pola Deputación para ao POS.
A preocupación dos populares acrecéntase trala análise da execución do orzamento da Deputación, que amosa que os investimentos contemplados son pouco máis que papel mollado, xa que a finais de setembro o ente provincial de Lugo só fora capaz de executar un terzo do previsto. Segundo Candia, unha execución de gastos a data 21 de setembro do 39,90%, proba a ineficiencia coa que actúa o goberno de Gómez Besteiro, polo que, tras estes feitos, a popular pide de novo máis información e concreción sobre o POS.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
