O PP solicita unha Xunta Xeral Extraordinaria de SUPLUSA para a readmisión de dous traballadores
. Elena Candia lembra que a sentenza declara o despido improcedente avalando, deste xeito, a petición dos traballadores e os argumentos dados polo Partido Popular fai un ano
. O Señor Besteiro cando se lle pregunta por este tema fai caso omiso, proba delo víuse onte na sesión plenaria, que escudou a resposta derivándose nos órganos de SUPLUSA
Lugo, 31 de outubro de 2012.- A Voceira do PP na Deputación de Lugo, Elena Candia, informou esta mañá, en rolda de prensa, que o Grupo Provincial Popular, coa sinatura de tódolos seus Deputados provinciais, ven de rexistrar unha convocatoria dunha Xunta Xeral Extraordinaria de Suplusa para solicitar a readmisión de dous traballadores que foron despedidos por este organismo fai máis dun ano e a desestimación da acción no recurso de súplica.
A Voceira dos populares na Deputación de Lugo manfiestou que agarda contar co apoio do BNG, quen en outubro do 2011, cando o GPP levou a pleno unha moción pedindo a readmisión destes traballadores xa a apoiou e tendo en conta, que consta, que o sindicato CIGA está asesorando e axudando a ámbolos traballadores todo apunta a que as expectativas serán boas.
Candia criticou a incoherencia e desfachatez da actitude do Señor Besteiro e dos seus compañeiros, quenes alardean da defensa dos dereitos dos traballadores e logo cando lles toca aplicalos dan exemplo cero.
Lembra a popular que existe unha setenza que avala a petición dos traballadores e os argumentos dados polo partido popular xa fai un ano pero o Señor Besteiro cando se lle pregunta por este tema fai caso omiso, proba delo víuse onte na sesión plenaria.
“Preguntamos na sesión plenaria de onte, ao Sr. Besteiro (lembrando que na súa persoa conflúen os dous cargos: Presidente da Deputación Provincial de Lugo e Presidente de SUPLUSA), se ten previsto instar a este Organismo, a que unha vez que foi analizado por un tribunal e hai sentencia, que da a razón os traballadores, ainda que non é firme, opte por readmitir e desestime na continuidade do litigio”- manifestou Candia quen afirmou que o Señor Besteiro non se posicionou, lembrou a falta de firmeza da resolución xudicial e escudouse derivándose nos órganos de SUPLUSA.
Elena Candia afirma que cos postos de traballo no se xoga e manifesta que optar pola indemnización non deixa de ser un malgasto de diñeiro público, dado que estes postos de traballo son necesarios, o despido é improcedente e estase a gastar cartos de tódolos lucenses, polo que todo apunta a que esta situación débese a un capricho do Señor Gómez Besteiro.
ANTECEDENTES
Elena Candia lembrou que ámbolos dous traballadores viñan prestando servizos a SUPLUSA dende o ano 2006, cunha categoría profesional de xardiñeiros, e é a partires de abril do 2009 cando detectan irregularidades no seu salario, que reclaman por vía xudicial, tendo, no 2010, unha sentenza favorable.
Manifestou Candia que despois de facerse pública esta sentenza, o Organismo dependente da Deputación lucense, despedíu a estes dous traballadores, enviando o comunicado de despido o mesmo día da notificación da sentenza.
Asegura Candia que, a continuación, os traballadores defenderon a súa profesionalidade no cargo e afirmaron que estas manifestacións eran falaces e o despido, improcedente. En agosto do 2011 presentaron a demanda de despido, solicitando nulidade ou subsidiaria improcedencia do despedimento. En outubro de 2011, o Partido Popular presentou unha moción para a readmisión dos dous traballadores, contando co voto a favor dos nacionalistas.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
