A Deputación pecha o Km0 deste 2012 con rutas por Burela, Palas, Guntín e Sober, nas que participarán 120 persoas
– Integrantes de asociacións de Baralla, Sarria e Lugo farán os tres últimos itinerarios do ano, que terán lugar entre hoxe e o xoves
– A Deputación lanzará en xaneiro a través das axencias de viaxe luguesas rutas turísticas á carta por toda a provincia para multiplicar as oportunidades económicas de Km0
A Deputación de Lugo pecha o programa Km0 deste ano 2012 con tres rutas por Burela, Palas de Rei, Guntín e Sober, que terán lugar esta semana e nas que participarán 120 persoas, integrantes de asociacións dos municipios de Baralla, Sarria e Lugo. O primeiro destes tres últimos itinerarios de 2012 tivo lugar este martes polo Concello de Burela. A Deputada de Medio Ambiente e Enerxías Renovables, Sonsoles López Izquierdo, recibiu no Salón de Actos de San Marcos a 24 integrantes da Asociación Os Malugreiros de Baralla, que logo visitaron o Centro de Interpretación Terras do Miño, no paseo lucense do Rato, para, seguidamente, viaxar a Burela, onde comeron no restaurante Palacio de Cristal e coñeceron o barco museo, atracado no porto da vila mariñana, e a actividade das redeiras.
Mañá mércores, 48 integrantes da Asociación de Veciños de Fontao, de Sarria, farán un percorrido que arrancará cunha visita á olería de Bonxe e continuará no castelo de Pambre, a queixería Arqueixal e a igrexa de Vilar de Donas. A comida terá lugar no restaurante Parada das Bestas. Por último, para o xoves está prevista unha ruta en catamarán pola zona de Amandi, en Sober, demandada pola asociación cultural lucense Castelo-Rato de Lugo. 48 integrantes deste colectivo coñecerán as instalacións da Fundación TIC, dependente da Deputación, e gozarán dunha degustación e unha comida na adega Algueira, para logo embarcar en Doade e facer un percorrido en catamarán pola zona, así como unha visita ó miradoiro do Duque.
Km0.Mueve Lugo
En xaneiro de 2013 a Deputación lanzará a través das axencias de viaxe luguesas rutas turísticas á carta por toda a provincia co obxectivo de multiplicar as oportunidades económicas de Km0, unha iniciativa que mantén preto de 1.400 empregos directos e indirectos en sectores estratéxicos, como a hostalería, comercio, artesanía e turismo, e na que, dende a súa posta en marcha en 2008 grazas ós fondos da Unión Europea, levan participado máis de 40.000 persoas. Este proxecto, que se desenvolverá baixo a denominación Km0.Mueve Lugo, levarase a cabo grazas á firma dun convenio entre a Deputación e a Asociación Provincial de Axencias de Viaxes (AGAVI).
O novo programa ofrecerá todo tipo de servizos: aloxamento, comidas, actividades de multiaventura, visitas guiadas a museos, parques naturais, lonxas, adegas, queixerías, fábricas de embutidos, obradoiros artesanais, establecemento de produtos autóctonos… Deste xeito, haberá rutas para persoas de todas as idades e ata en inglés, con guías neste idioma.
Os interesados, que poden ser de calquera parte do mundo, terán que dirixirse ás axencias de viaxe, ó departamento Km0 da Deputación, ou ben consultar a páxina web do organismo provincial (www.deputacionlugo.org), onde atoparán toda a información ó respecto a partir de xaneiro.
Rutas dende 9 euros
A Deputación será a encargada de planificar as rutas, que executarán as axencias de viaxes. A entidade luguesa, con persoal propio, actuará como oficina central de reservas para planificar os itinerarios solicitados nas axencias. Isto permitirá, ademais, pechar as rutas coas empresas lucenses colaboradoras ó prezo máis vantaxoso. O custe da ruta, que empezará nos 9 euros e que dependerá dos servizos á carta que se queiran incluír, será aboado directamente na axencia de viaxe correspondente.
Continúa o Km0.Deputación de Lugo
Simultaneamente, como programa independente do Km0.Mueve Lugo, a institución continuará co Km0.Deputación de Lugo, no que hai 8.000 persoas á espera dunha ruta de aquí ó mes de xullo. Esta iniciativa enmárcase no Lug02, o programa medioambiental cofinanciado por fondos europeos. Por este motivo, a Unión Europea sufraga o 70% dos custes das rutas, mentres os participantes, sempre veciños empadroados na provincia, aboan entre 5 e 8 euros para outros gastos como, por exemplo, as comidas.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
