Lugo, 28 de decembro de 2012. O vicepresidente da Deputación de Lugo e responsable das Áreas de Benestar Social e Deporte, o nacionalista Antonio Veiga, recibiu, na tarde de hoxe, no seu despacho, aos deportistas mariñáns o pentatleta Cristóbal Rodríguez Fidalgo e a biatleta Yolanda Rodríguez Fidalgo.
Cristóbal Rodríguez, nacido en Viveiro, empezou a súa carreira como pentatleta con 14 anos alcanzando a primeira posición no campionato de España o ano do seu debut. Este viveirense comezou así a medrar na súa carreira como pentatleta ata que en 2010 conseguiu unha praza na Selección Estatal Sénior, converténdose, só un ano despois, no número 1 do Ránking Estatal Sénior coa vitoria no Campionato de España desa categoría.
A nivel nacional Cristóbal Rodríguez proclamouse Campión en distintas categorías de idade ata converterse no Campión Galego Absoluto nos tres últimos anos. A isto hai que sumarlle logros a nivel internacional como o de Campión de Europa de Biatlón por equipos no ano 2006, así como diferentes recoñecementos como o récord estatal en relevo mixto, récord astur-galaico absoluto e récord do Cantábrico absoluto.
Pola súa banda, a súa irmá, a multideportista Yolanda Rodríguez, nadadora do Xove, de tan so 12 anos, este ano conseguiu a medalla de bronce no Campionato de España de Biatlón, co que puxo broche final a unha tempada que se caracterizou pola súa grande actuación no sector da natación, onde obtivo o mellor parcial da competición. Ademais, Yolanda fíxoe, na modalidade de equipos, cos Campionatos Galegos de Duatlón, Biatlón e Triatlón.
O vicepresidente da Deputación congratulou a ambos atletas “polos éxitos acadados na súa incipiente pero próspera carreira deportiva” e animounos a seguir acumulando logros no eido do atletismo.
Neste senso, Antonio Veiga explicou que “dende a Área de Deporte da Deputación apostamos polo deporte de Base, e o éxito que están alcanzando estes dous atletas mariñáns é un bo exemplo de que cunha formación deportiva dende idades temperás é posíbel chegar ao máis alto, á elite de calquera modalidade deportiva”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
