CAZA MAIOR: UN OSO NO SANTO
De cando en vez o nome de Foz asoma ós titulares dos xornais, apenas por razóns que teñen que ver con feitos exemplarizantes que deparen o prestixio que da a obra ben feita, cimentada no respecto e a defensa de valores referidos á cultura medioambiental, a dotación dun hábitat que potencie un entorno mais humano e distendido para a convivencia. Esta realidade mestúrase con episodios, uns inesperados e outros provocados, singulares todos, que dan un toque de orixinalidade ou mesmo de pintoresquismo ó diario discorrer de tanta bazofia.
No verán do 2005 a nova deixábanos abraiado; “un artista alemán ultima a unión virtual entre Foz e a súa antípoda”. Descoñecíamos que se nos perdía a nós por aló, pero así o declaraban Joerg Jozwiak, o promotor da cousa, e mailo goberno local. Non soubemos máis da intrépida iniciativa, por iso, despois do tempo pasado, ignoramos en que fase se atopa tan divulgada actuación. Confesamos que acollemos o anuncio con indiferenza, porque os que por razóns biolóxicas chegamos a destempo á cultura “do virtual”, mantemos certa dose de incredulidade ante tanta marabilla…
Sen embargo o que si espertou a curiosidade, e mesmo produciu unha remota esperanza, foi a paralela e sorprendente aparición dun oso no entorno do Bispo Santo porque, aínda que morto, pensamos que podía ser sinal de vida (non morre o que non vive); e aínda que non sendo ese o hábitat idóneo, con un pouco de imaxinación e moita fe, poderíase contemplar o posible de que aquel paraxe, polo que señorean o xabarín e o corzo, se convertese en reserva de caza maior.
¿Imposible? Os focegos estamos curados ante a realidade de sucedidos que rachan coas leis naturais e coa lóxica ¿Non foi dende alí mesmo onde San Gonzalo, contrariando tódalas leis físicas e os razoamentos escolásticos, afundiu unha flota de naves normandas?
Pouco había que persoeiros de Turismo da Xunta dixeran na Mariña que a procura do “turismo de calidade”, pasaría pola oferta dun ocio que se asentaría no deporte náutico– portos deportivos–e os campos de golf e sinalaban que a caza maior exerce unha poderosa atracción para xentes “de calidade”, entendendo o termo no senso que nos ocupa. Aquí radica o interese que espertou o posible de que a especie viñera a medrar e multiplicarse polos pagos nos que perdeu a vida o animal que, en mala hora, ascendeu ó Pico da Lebre, paraxe natural, singular e carismático e alí, entre tanta cochambre, morreu de noxo e de tristura.
Atendendo, pois, ós analistas turísticos, e posto que Foz sen porto deportivo nen o campo de golf que hai unha década dábase por feito, xa entón proclamado por voces do goberno local “anacea para a consolidación do turismo no noso concello”; así as cousas, só nos quedaba a alternativa da caza maior, e neste senso o oso era a última esperanza; mais temos que recoñecer a decepción: a presencia do plantígrado foi só unha quimera, un espellismo. A vida está chea de frustracións!.
Suso Fernández
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
