O APALPADOR VISITOU BARREIROS NUNHA XORNADA FESTEIRA NA QUE TAMÉN ACTUOU PABLO DÍAZ CO TIC-TAC.
No acto repartíronse prantas de castiñeiros e chocolate quente acompañado de roscón.
Barreiros, 30 de decembro de 2012. O Colectivo Cultural Ollomao pechou o ano cunha intensa actividade nesta fin de semana que comezou coas xornadas de historia local sobre o Masma e rematou coa visita do Apalpador.
O carboeiro procedente do Courel baixou ata o concello barreirense para visitar ás nenas e nenos e contarlles como cada día atopa máis problemas para agasallar castañas debido ao lixo que se acumula nos montes e aos incendios forestais. Por iso, as nenas e os nenos de Barreiros comprometéronse co Apalpador a berrar ben forte “non prendas lume!” Ademais, o Apalpador repartiu entre as persoas que o acompañaron, un cento de castiñeiros para que medren fortes e sans por Barreiros adiante, como xa fixera o ano pasado repartindo carballos.
Pola mañá, quixo estar no interior de Barreiros, onde é menos habitual que se realicen este tipo de actividades, por iso se achegou a San Xusto para visitar ás nenas e nenos das parroquias máis rurais do concello.
Xa á noitiña un nutrido grupo de nenas, nenos e maiores agardaban ao Apalpador na praza do concello desde onde o acompañaron ao centro sociocultural para escoitar as súas historias e desfrutar, a continuación, do espectáculo do Tic-Tac de Pablo Díaz e a súa formación.Para poñer fin á xornada, desde Ollomao repartiron chocolate quente e roscón.
Desde o Colectivo Cultural Ollomao queren agradecer a colaboración de Viveiros Mañente e Pastelería Artesá Obradoiro e aproveitan para desexarlle a todas as súas amigas e amigos un ano 2013 cheo de Cultura.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
