Catro nadadores internacionais prepáranse na piscina de Lieiro para o Campionato Mundial de Barcelona
A edil de Deportes quixo coñecer de primeira man como se estaban desenvolvendo os adestramentos e se a piscina cumpría coas súas expectativas
Cervo, 5 de xaneiro de 2013-A piscina municipal olímpica de Lieiro está sendo nestes días o lugar de adestramento de catro nadadores internacionais, que se preparan para as probas clasificatorias que se disputarán a finais de marzo para conseguir un oco no Mundial de Natación Barcelona 2013. A edil de Deportes, Yolanda Pedreira, achegouse ata as instalacións deportivas para interesarse pola súa estancia en terras cervenses e coñecer o seu grao de satisfacción despois de 7 horas diarias de adestramento na piscina durante varias xornadas.
Así, estes días os usuarios habituais da piscina comparten espazo con Bea Gómez, nadadora olímpica que participou nos Xogos de Londres e campioa do mundo junior; María Vilas, campioa de Europa junior; Manuel Davila, campión de España; e Xenia Vilariño, segunda na copa de Europa de Augas Abertas.
Estes mozos, de entre 16 e 22 anos, están acompañados polo director técnico da Federación Galega de Natación, José Rivera, e ao tempo o seu adestrador, que explicou á delegada de Deportes que para os nadadores profesionais resulta moi estimulante saír do contorno habitual de adestramento, neste caso o Centro Galego de Tecnificación Deportiva, en Pontevedra e onde se atopan concentrados durante todo o ano.
“Rivera transmitiume que a piscina olímpica de Lieiro reúne todas as condicións necesarias para que estes mozos poidan realizar a súa preparación de cara a unhas probas tan importantes como son as clasificatorias para o Mundial de Barcelona”, asegura Pedreira. A súa estancia no municipio será dunha semana, dende o luns pasado ata o vindeiro día 7 xa que, segundo o adestrador, é un período abondo para conseguir os obxectivos marcados.
“Dende o Concello estamos moi satisfeitos de contar entre os nosos usuarios con estes campións e tamén por comprobar día tras día que a nosa piscina serve de lugar de adestramento para moitos nadadores, tanto profesionais como aspirantes a selo” remata a concelleira de Deportes.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
