ADEGA-LUGO LEVARANOS DE ROTEIRO ESTE DOMINGO AO PICO SACRO
Lugo, a 16 de xaneiro de 2013.- Este domingo día 20 de xaneiro, ADEGA Lugo levaranos de roteiro ao Pico Sacro, outro dos lugares máxicos da nosa xeografía que forma parte do programa de roteiros da Galiza Máxica 2012-1013. Este emblemático elemento xeomorfolóxico pertence ao concello de Boqueixón e marca a última etapa da Ruta da Prata cara a Santiago. Está considerado o monte máxico de Galiza e lugar de morada da Raíña Lupa. Para reservar praza debedes chamar previamente ao 679113718 ou ao 982240299. Desta volta, o autobús fará unha parada en Compostela previa á andaina, ás 10.30 horas da mañá.
O percorrido será de 12 quilómetros e de dificultade media. O punto de encontro será en Lestedo (Boqueixón) no Centro de Interpretación do Pico Sacro. Subindo ao cumio deste lugar mítico teremos unha fermosa panorámica da bisbarra, e coñeceremos varios elementos asociados ás lendas do lugar: Rúa da Raíña Lupa, uns enigmáticos buratos escavados na pedra, a capela de San Sebastián, etc. Baixaremos dende o Pico pola aldea da Granxa e continuaremos o roteiro pola beira dos ríos Pontillón e O Codeso. Entre a súa frondosa vexetación de ribeira toparémonos con fontes milagreiras, muÍños, capelas e fermosas fervenzas.
O PICO SACRO: UN LUGAR DE LENDA
Este emblemático elemento xeomorfolóxico pertence ao concello de Boqueixón e marca a última etapa da Ruta da Prata cara a Santiago. Está considerado o monte máxico de Galicia e lugar de morada da Raíña Lupa, conservándose varios topónimos alusivos á súa presenza: Pazo, Horta e Rúa da Raíña Lupa. Son moitos os elementos da tradición oral asociados ao Pico: misteriosas covas, serpes, mouros, etc. A lenda xacobea describe a intervención da Raíña Lupa na chegada dos restos do Apóstolo Santiago a Galicia, recollida no Códice Calixtino. Tralo desembarco do corpo do Apóstolo en Iria Flavia, os seus discípulos solicitaron a axuda da Raíña para que lles facilitara un carro e uns bois. Esta envioulles uns bois bravos e un dragón. As oracións dos acompañantes do Apóstolo supuxeron a morte do dragón e que os bois se volvesen mansos. Asombrada pola transformación, a Raíña Lupa converteuse ao cristianismo, e ofreceulles o lugar de Campus Stellae para o soterramento. O monte no que se obrara o milagre pasou a coñecerse como Montesagro, Montem Sacrum, Mons Sacer, Pico Sacro… Co tempo, construíuse no Pico un mosteiro, un torreón e algunhas capelas. Hoxe en día sigue sendo lugar de peregrinación e a xente aínda continúa a reproducir moitos rituais do pasado.
PICO SACRO: SINGULARIDADE XEOLÓXICA
Nun país de granito e lousa destaca este gran dique de seixo que, ao tratarse dun material resistente á alteración, dá lugar á formación orográfica máis relevante da zona: a Serra do Pico. Esta intrusión mineral considérase froito da colisión dos supracontinetes Gondwana e Laurasia hai uns centos de millóns de anos. O seixo desta Serra está sendo explotado na mina de Serrabal, que foi nos últimos anos obxecto dunha batalla política e social. O gran dique de seixo está fracturado por unha falla transversal, na que se encaixa o río Ulla.
É moi destacable tamén a presenza deste lugar dunha serie de covas míticas que tradicionalmente se asociaron á procura de tesouros. Tras rigorosos estudos, membros do club de espeleoloxía Maúxo de Vigo consideran que se trata de covas de orixe natural, asociadas aos procesos tectónicos, aínda que tamén puideron ser obxecto dalgunha intervención humana. Figuran entre as covas máis grandes do mundo neste tipo de material xeolóxico.
SAÍDA
O autobús sairá de diante da Facultade de Formación do Profesorado (Av. Ramón Ferreiro) de Lugo ás 9.00 h. Está previsto que ás 10.30 horas faga unha parada no Pazo de Congresos de Santiago de Compostela para recoller a máis persoas. En todos os casos haberá que reservar praza chamando antes do venres ao 982240299 ou ao 679113718.
PREZOS
Xeral: 15€
Estudantes, xubilados e no paro: 12€
Socios/as: 10€
Ata 17 anos: 5€
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
