Candia: “ votar a favor da iniciativa presentada por Veiga e Besteiro sería renunciar a máis de 60 millóns de euros destinados a Benestar na provincia de Lugo”
Con respecto a moción de Foz, os populares afirmaron que pouca tranquilidade poden trasladarlle a Confraría focense cando o Equipo de Goberno manifestou un compromiso que logo votou en contra no órgano competente
Lugo, 29-1-2013.- Logo da sesión plenaria provincial celebrada esta mañá, a Voceira do PP na Deputación de Lugo, Elena Candia, manifestou que votar a favor da iniciativa presentada por Gómez Besteiro e Antonio Veiga, sería renunciar a máis de 60 millóns de euros destinados a benestar na provincia de Lugo, de ahí a votación en contra nesta moción.
ADMINISTRACIÓN LOCAL
No tocante á reforma da Lei de Bases de Réxime Local, os populares aseguraron que require melloras nese anteproxecto de Ley e instaron ao Equipo de Goberno a que sexa a deputación a que faga aportacións construtivas.
Asegurou o PP que, por parte do Goberno da Deputación, todo estaba orquestado posto que pensaba que o anteproxecto se aprobaría o pasado venres, no consello de ministros, circunstancia que non producíu; sen embargo, o equipo de goberno non adaptou a súa iniciativa.
Apostaron os populares polo goberno de España, para que siga traballando e negociando para acadar un consenso nunha reforma que todos consideramos necesaria. “Apostamos por un municipalismo que perdure”- afirmou Candia.
PLAN ESTRATÉXICO DE SUBVENCIÓNS
No Plan Estratéxico de Subvencións na área de asistencia e cooperación a Concellos, A Voceira dos populares, Elena Candia, manifesta que a inversión por parte do Equipo de Goberno, sen contar co plan de cooperación con entidades veciñais, é de cero euros.
AXUDAS A RAZAS AUTÓCTONAS
No tocante a moción presentada polo Equipo de Goberno onde se insta ó Goberno Central a que manteña as axudas autóctonas e a Xunta a que cumpra o convenio asinado para a revalorización do leite, a Voceira dos populares afirmou que a Deputación de Lugo está a facer demagoxia coa situación difícil que sofren os gandeiros da provincia.
Dixo Elena Candia, que o Equipo de Goberno sabe de sobra que estas axudas non desaparecen: “trátase dunha axuda financiada con fondos que non foron transferidos á Comunidade Autónoma; esta posibilidade estaba perfectamente recollida na orde, na que se supeditaba a axuda á transferencia e, en canto se reciban estes fondos recuperarase con carácter inmediato esta orde de axudas, algo que dixo publicamente a Conselleira do Medio Rural e Mar, Rosa Quintana”- manifestou Elena Candia.
CONFRARÍA DE FOZ
Con respecto a moción de Foz, a Voceira dos populares criticou duramente que a Vicepresidenta Segunda da Deputación, Lara Méndez, acudise a Foz a dicir o que non respaldou esta mañá no pleno.
“Pouca tranquilidade podemos trasladarlle a Confraría cando a Deputación manifesta un compromiso que logo vota en contra no órgano competente”- manifestou Candia.
ESTRADA PARADELA
No tocante a moción na que lle esixíu a Gómez Besteiro que reparase os danos causados no acceso paradelense de San Facundo, logo da construcción da estrada provincial, os populares lamentaron que o Equipo de Goberno votase en contra e afirmaron que con este xesto demostran a súa irresponsabilidade.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
