¡CETÁCEOS Á VISTA!
A chegada días pasados dun cetáceo á praia dos Castros, no concello de Foz, foi motivo que espertou a atención dos medios e tema de conversa entre a cidadanía, ávida de asuntos afastados dos cotiás de políticos, banqueiros e demais corruptos, que se acubillan baixo o paraugas xenérico da “crise”. Cando feito desta índole se produce, os focegos activamos a memoria histórica e recuamos mais dun século para lembrar cómo o 2 de febreiro de 1908 apareceu en alta mar, preto da barra, algo parecido a un barco coa quilla boca arriba, dende a que aparentaba que uns homes pedían auxilio. Saíron un par de lanchas e, xa fora da barra, decatáronse de que o semellante a un barco envorcado era unha mole similar a unha balea morta que viña cara á ría e o que se tiña por petición de auxilio eran gaivotas que se pousaban sobre o lombo e se erguían ao cubrilo o mar. Ataron un cabo a unha aleta do “monstro” e remolcárono ao punto da praia chamado Pena do Carbón. A balea medía 20 m. de longa; 10 de circunferencia; 4,50 m. a mandíbula e 6 m.a boca.”O volume é tan considerable- di a crónica- que no ventre caben dous bois grandes. Calcúlase o peso en 30 Tm. e crese que producirá uns 150 barrís de aceite cun valor dunhas dez mil pts. (sirva como referencia, que esa era a cantidade aprox. que Noriega Varela, mestre en Fondós, cobrou polos dez anos que durou a súa estadía na mesma). “A afluencia de curiosos a Foz foi considerable.Dos pobos cercanos non quedou veciño que non fose alí”. Como unha terceira lancha, mais retardada, saíra á captura do cetáceo reclamara parte no botín a punto estivo de plantearse un pleito; daí que un artigo no periódico “Mondoñedo”, firmado por “Un abogado de secano” explicara xuridicamente que non procedía tal reclamación. O comentario remataba: “ O triste para Foz será que, capturado o fisálido naquel porto, veña a soltar a graxa a esta cidade…”
No limpado e acondicionamento do cetáceo participaron 20 homes como testemuñan fotos que poden verse nalgúns establecementos. Como curiosidade sinalar que a persoa que transmitía a información, moi polo miúdo, ao xornal era Camilo Cela, o pai do escritor e Premio Nóbel, á sazón Administrador de Aduanas na nosa vila, onde era correspondente do periódico.
Suso Fernández
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
