Felicitación e asemblea da AVV O Tesón de Ribadeo

A AVV O Tesón está a repartir a felicitación cos seus desexos para o novo ano: unha residencia para Ribadeo, a reparación e reposición das vidreiras, o retorno do xulgado, e o uso normativo da do nome da ría e a súa conservación. Asemade, estase a repartir a convocatoria para unha asemblea xeral ordinaria da asociación, que terá lugar no local do lavadoiro (rúa dos Fornos) o día 2 de febreiro, sábado, ás 20:00 horas en segunda convocatoria (ás 19:30 en primeira convocatoria, que seguramente non se fará por falta de quórum). Os puntos que está previsto tratar inclúen a presentación, e aprobación se procede, de contas e memoria de actividades, así como do orzamento e programa de actividades para o presente ano.