O BNG PRESENTA EMENDAS AOS ORZAMENTOS DO CONCELLO PARA 2013 ONDE RECLAMA UN RECORTE NO GASTO DO GRUPO DE GOBERNO E EN PROPAGANDA PARA DEDICALO A POLÍTICAS SOCIAIS E DE APOIO AO PEQUENO COMERCIO.
Estúa reproba que o goberno local multiplicase por tres as sesións da Xunta de Goberno local dende que estas teñen remuneración económica para dúas persoas do goberno local.
Os nacionalistas piden rebaixar o gasto en salarios e outros gastos do grupo de goberno nun 24% así como a redución de gastos en propaganda e protocolo para reorientar o gasto de mais de 47.000 euros en 2013.
Cervo, 10 de xaneiro de 2013. O BNG de Cervo presentou unha reclamación aos orzamentos municipais para 2013 na que reclama reducións nos salarios, indemnizacións e gastos de propaganda do grupo de goberno así como noutras partidas prescindíbeis para dedicalos a políticas sociais e de apoio ao pequeno comercio. Segundo o portavoz municipal, Xoán Antón Estúa García, o aforro suma mais de 47.000 euros que se propoñen dedicar a rebaixar as taxas municipais do Punto de Atención Infantil, Escolas Deportivas, mellora do servizo de Axuda no Fogar coa contratación de mais persoal, mantemento do Servizo de Tele Asistencia, incrementar a partida en emerxencia social e apoiar ao pequeno comercio e hostalería local.
O gasto do grupo de goberno baixaría de 116.000 a 91.000 euros anuais que se consideran suficientes nun concello como Cervo.
O BNG cuantificou a rebaixa nos gastos do grupo de goberno en 24.000 euros incluíndo baixadas nos salarios das catro dedicacións, gastos por asistencias a Xuntas de Goberno e outras indemnizacións así como gastos en propaganda. Para os nacionalistas o goberno municipal de Cervo “cobra e gasta por riba das posibilidades orzamentarias do concello” ao tempo que lle fai pagar á cidadanía pola vía da suba indiscriminada de taxas e impostos municipais uns servizos que non melloran.
Estúa denunciou que as sesións das Xuntas de Goberno multiplicáronse por tres dende que hai dúas persoas do goberno local que cobran 150 euros cada unha por sesión e pon os datos: “nos primeiros sete meses de 2011 houbo seis reunións deste organismo, a partir desa data unha vez tomada a decisión de cobrar por asistencia nos cinco meses restantes de 2011 realizáronse 20 sesións e 41 en 2012 cun desembolso económico que se achega aos 20.000 euros.” Para o nacionalista “non existe xustificación que non sexa a económica para multiplicar así estas sesións”.
O orzamento municipal debe estar ao servizo da xente e non do grupo de goberno
Os nacionalistas reclaman que os 47.700 euros de aforro sexan destinados a mellorar o Servizo de Axuda no Fogar coa contratación de mais persoal, redución da taxa Do Punto de Atención Infantil e Escolas Deportivas, garantir o mantemento do Servizo de Tele Asistencia domiciliaria, unha partida económica para apoio ao pequeno comercio e hostalería e multiplicar por dous a partida para emerxencia social para o pago de recibos, alimentos, etc. Segundo afirmou o portavoz municipal, Xoán Antón Estúa, “o que lle pedimos ao Grupo de Goberno é que faga o mesmo esforzo que o seu partido lle está reclamando á cidadanía”, non pode ser, insistiu “que o único que suba no orzamento 2013 sexan as taxas e as remuneracións e os gastos do grupo de goberno” .
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
