O voceiro provincial socialista, Manuel Martínez, adiantou hoxe os primeiros resultados das auditorías enerxéticas que a Deputación está a realizar a custe cero nos 37 Concellos que de xeito voluntario se sumaron a esta iniciativa. Martínez avanzou que o organismo provincial reducirá nun 50% a factura da luz destas entidades locais, co material que a institución luguesa adquirirá e instalará gratuitamente nos seus sistemas de iluminación pública. Hai que ter en conta que a luz representa o 70% dos gastos correntes nos municipios. Por exemplo, un Concello cunha media de 5.000 habitantes paga ó ano 200.000 euros pola luz, custe que a Deputación diminuirá ata os 100.000 euros.
Ademais de avaliar os sistemas de iluminación pública, a institución tamén realizou auditorías enerxéticas no inmoble público elixido polas entidades locais. Foron, principalmente, Consistorios, Casas da Cultura e pavillóns municipais, nos que o organismo provincial reducirá os gastos correntes, é dicir, facturas de luz e calefacción, nun 20%.
Os 37 municipios do Club dos Renovables, que en total son 47, adheridos a esta iniciativa foron os seguintes: O Incio, A Fonsagrada, Cervantes, Monterroso, Pedrafita, Negueira de Muñiz, A Pontenova, Abadín, Pol, Portomarín, Láncara, Samos, A Pastoriza, Meira, Riotorto, Trabada, Navia de Suarna, Guntín, Barreiros, O Valadouro, Becerreá, Castroverde, Viveiro, Rábade, Xove, O Vicedo, Sober, Sarria, Palas de Rei, Baralla, Ribadeo, A Pobra do Brollón, Ribas do Sil, Quiroga, Friol, Guitiriz e Monforte de Lemos. A Deputación levou a cabo as auditorías enerxéticas en 29 Concellos, quedándolle pendentes traballos puntuais noutros 8 municipios que concluirá en marzo.
Revisión da facturación eléctrica
Na mesma liña, o Deputado adiantou que unha semana despois de que a Deputación ofrecese ós Concellos a revisión integral da facturación eléctrica en todas as instalacións municipais, co asesoramento técnico, personalizado e gratuíto dos profesionais da Axencia Provincial da Enerxía, para aforrarlles máis cartos e evitar posibles abusos das compañía, 21 entidades locais do Club dos Renovables xa se adheriron a esta nova iniciativa de cooperación. Son Baralla, Barreiros, Cervantes, O Corgo, Guntín, O Incio, Mondoñedo, Paradela, A Pastoriza, Pedrafita do Cebreiro, A Pobra do Brollón, Portomarín, Quiroga, Rábade, Ribas do Sil, O Saviñao, Trabada, Triacastela, O Valadouro, O Vicedo e Xove. O prazo de inscrición segue aberto ata o 25 de marzo polo que, ata entón, aínda poden sumarse máis Concellos dos 47 ós que se dirixe este proxecto.
Mellora de servizos públicos nos Concellos
A sesión acordou iniciar a contratación de melloras en servizos públicos de Friol, para as que a Deputación achega un máximo de 207.300 euros, que financia na súa totalidade ó incluír estas actuacións nos proxectos de responsabilidade provincial do Plan de Obras e Servizos. Martínez subliñou que “poñemos en marcha, deste xeito, o POS 2012 que salvou esta institución en Lugo co obxectivo de permitir a execución de máis de 80 obras nos municipios da provincia logo de que o Goberno Central do Partido Popular suprimise, por 1º vez na historia, a achega estatal a esta programación”. O voceiro adiantou que, transcorridos os prazos legais e adxudicado este contrato, en 2 meses a Deputación porá en marcha no Concello friolés os seguintes traballos: mellora do firme con aglomerado en quente da CP-2111, ó seu paso pola rúa Deputación, e da CP-2106, ó seu paso pola rúa Santa Isabel; acondicionamento de 5 quilómetros da vía de Lamas a Narla, moi transitada por vehículos pesados, principalmente, por maquinaria agrícola; colocación de bandas rugosas e pasos de peón fronte ás vivendas sociais, onde tamén se arranxará o sistema de drenaxe debido ás continuas inundacións na zona. Con estas últimas actuacións, a Deputación atende as demandas veciñais, ó tempo que asume uns traballos que debería realizar a Xunta, como administración responsable destes inmobles.
A Xunta de Goberno tamén aprobou as contas xustificativas de 36 obras do Plan de Comunidades Veciñais, executadas en 22 Concellos lugueses, por valor de 270.000 euros, financiados na súa totalidade pola Deputación. “A día de hoxe, levamos tramitas 198 obras das 232 que en total contempla este programa, supoñendo o 85% das mesmas”, destacou Martínez.
Teletraballo na Deputación de Lugo
A institución inicia a adxudicación dos traballos de realización dunha guía de boas prácticas e dun informe de recomendacións para o impulso do Teletraballo na Deputación de Lugo. O orzamento máximo para estas actuacións é de 64.700 euros, cofinanciados nun 80% pola Unión Europea co Innova-TE, é dicir, case 52.000 euros son fondos europeos. Consisten, por un lado, no estudo de todos os postos de traballos na Deputación para determinar que traballadores, tendo en conta as súas funcións e responsabilidades, se poderán adherir a este sistema, que permitirá realizar tarefas profesionais dende Internet. Tamén inclúen a elaboración dun regulamento, que determine tanto as limitacións como o sistema de control do Teletraballo, co obxectivo de garantir a máxima eficacia na prestación dos servizos públicos da administración, así como o cumprimento do horario “que ampliou o Goberno Central do PP”, ó tempo que se facilita a conciliación da vida laboral e familiar ó traballar dende a casa. Isto complementa a contratación dos aplicativos tecnolóxicos necesarios poñer en marcha a principios do 2014 a plataforma para o Teletraballo na Deputación de Lugo. Estes últimos traballos contan con 213.000 euros, dos que o 80% son da UE.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
