A Xunta de Persoal da Área norte acorda por unanimidade constatar por escrito a ausencia de xuntanzas e diálogo coa dirección do Hospital da Costa de Burela, logo de que en data 25 de setembro de 2012, estas fosen suspendidas pola dirección ata novo aviso.
“Consideramos imprescindible para o óptimo funcionamento deste Centro, a existencia de diálogo e a fluída comunicación entre a Dirección e o Órgano máximo de representación dos traballadores e traballadoras, co ánimo de acadar puntos de encontro que revertan na mellora asistencial e favorezan o desenvolvemento dos seus profesionais, e rexeitamos a situación actual de distanciamento cos axentes sociais que so aportan escurantismo, sendo máis propias dun estado ditatorial”, apunta Adolfo Corral Calviño, presidente da Xunta de Persoal da Área Sanitaria Norte de Lugo.
O mércores 20 de febreiro, a Xerencia de Primaria de Lugo informa ao Comité de Primaria, da inminente publicación do Decreto de Área Integrada Lugo-Monforte-Burela e, o día 21, o Progreso publica o nome do xerente que dirixirá o noso Hospital dende Lugo. Estes son os canles de comunicación desta Xerencia coa Xunta de Persoal, cos seus traballadores e traballadoras, os canles do silencio e do mutismo.
“A situación é clara, o Hospital da Costa perde a súa autonomía e a súa capacidade de Xestión, comeza o desmantelamento dun Hospital que da cobertura a 72.000 persoas e mentres, o Xerente que sempre dixo que isto non ía ocorrer, que o Decreto que se ía publicar era o de Xestión integrada da Mariña, escondese agora tras un despacho”, advirten dende a Xunta de Persoal da Área Norte.
Ante un ataque de tal magnitude para cos traballadores e traballadoras do Hospital da Costa e para con tódolos habitantes da Mariña, “dende esta Xunta de Persoal, esiximos a esta Xerencia que convoque aos seus traballadores para dar explicacións públicas do que está acontecendo e que faga un chamamento en defensa da Sanidade Pública da Mariña e en defensa do Hospital de tódolos mariñáns”.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
