PORTOS DE GALICIA E CONCELLO AVANZAN NO PXOM DE BURELA, SEGUNDO VEN DE ANUNCIAR GONZÁLEZ BARCIA, QUE ONTE SE REUNIU EN SANTIAGO CON PERSOAL TÉCNICO DESTE ENTE. O ALCALDE SUBLIÑOU QUE “PRACTICAMENTE TODOS OS INFORMES QUE RECIBIMOS DAS DIFERENTES ADMINISTRACIÓNS SON FAVORABLES AO DOCUMENTO”.
Burela, 14 de febreiro de 2013. Portos de Galicia e Concello deron onte un paso decisivo de cara ao plan xeral de ordenación municipal de Burela, segundo ven de anunciar o alcalde, José Mª González Barcia, logo de manter en Santiago de Compostela un encontro no ente con persoal técnico.
O rexedor sinalou que “nosoutros tiñamos un informe emitido por Portos de Galicia hai xa uns meses sobre o plan xeral de ordenación municipal, no que sendo coñecedores das teses de Portos de Galicia de limitar ao máximo posible a ubicación de servizos non portuarios nos recintos portuarios, entendíamos que tiñamos que ter esta reunión en Santiago de cara a continuar coa tramitación do plan xeral de ordenación municipal”. E engadiu que “de feito na visita que fixo aquí a Burela este luns o presidente de Portos de Galicia adiantouse un pouquiño o contido da entrevista de onte, que era fundamentalmente con técnicos. Nesa reunión que tivemos onte en Santiago dimos pasos entendo que decisivos, tanto é así que o informe de Portos de Galicia ao plan xeral ten moitos visos de ser favorable, co cal é un paso de enorme importancia para continuar coa tramitación”.
González Barcia indicou que “agora mesmo tódolos informes que temos recibido das distintas administracións son favorables ou favorables condicionados. Soamente nos queda por concretar o que se refire a Patrimonio Cultural, ainda que nas dúas ou tres próximas semanas pode haber avances sustanciais para que o plan xeral poida ser enviado despois á elaboración da correspondente memoria ambiental”.
O alcalde burelés dixo que “Portos de Galicia está agora mesmo traballando na elaboración do plan de usos do porto de Burela, que pretende aclarar o que se pode poñer en cada zona ou espazo, non soamente o que hai xa ubicado senón qué tipo de actividades se poden poñer. É dicir espazo para concesións vinculadas coa actividade pesqueira, espazo para servizos propios dos barcos, etcétera”. José Mª González Barcia manifestou que “isto é o paso previo á elaboración do plan especial do recinto portuario do noso concello, que é onde poderemos concretar qué tipo de servizos municipais se poden ubicar na zona portuaria”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
