VICEPRESIDENCIA APOIA A INICIATIVA DO CONCELLO DE RIBADEO DE CREAR UNHA MESA DE TRABALLO SOBRE A PRAIA DAS CATEDRAIS PARA FOMENTAR O SEU DESENVOLVEMENTO SOSTÍBEL
Ribadeo, 14 de febreiro de 2013. O vicepresidente da Deputación de Lugo, Antonio Veiga, participou no I Cumio Institucional Europeo sobre a Praia das Catedrais organizado polo Concello de Ribadeo e que contou coa participación de Pía Bucela, directora xeral de Natureza e Biodiversidade da Comisión Europea e representantes doutras administracións.
O obxectivo deste encontro era lograr o compromiso de todas as institucións con competencias para desenvolver as potencialidades deste enclave turístico e natural, catalogado como Monumento Natural e LIC en Rede Natura, para constituír unha Mesa de Traballo que elabore un plan de acción e un modelo de xestión integral.
Antonio Veiga amosou o apoio da Vicepresidencia da Deputación Provincial a esta proposta do Concello de Ribadeo na que a Mesa de Traballo encargaríase de redactar un plan con medidas transversais e poñería en marcha un centro de interpretación para o control e atención á protección medioambiental do entorno, o deseño de programas de educación e sensibilización e a atención continuada a turistas.
Veiga sinalou, tamén, a necesidade de artellar unha estratexia na que participen todas as administracións competentes para conciliar o valor medioambiental e paisaxístico da praia das Catedrais co seu valor turístico e económico non só para Ribadeo senón para toda a comarca da Mariña e incluso para toda Galiza. “Seguir sen un modelo de xestión definido desgastará este enclave e senón se logra a implicación de todas as institucións e a elaboración dun proxecto en común con amplitude de miras remataremos con todos os beneficios que proporciona este areal”.
Durante a súa intervención o vicepresidente da Deputación lembrou que o ente provincial e o concello de Ribadeo asinan todos os anos un convenio de colaboración de, aproximadamente, 40.000 euros para afrontar os gastos do proxecto ‘Praia das Catedrais’ e grazas ao que se mellora o servizo de información turística, se edita material informativo dos programas turísticos e contrátase persoal encargado da limpeza, do baleirado de fosas sépticas e do acondicionamento do terreo.
Nas vindeiras semanas ambas institucións asinarán un novo convenio de 80.000 euros para continuar co traballo de mellora da información turística da Praia das Catedrais, algo que Veiga considera “imprescindíbel xa que a oficina de información situada nas inmediacións da praia recibe máis visitas que o Punto de Información do Ribadeo, un dos máis visitados de toda Galiza”.
A este respecto, o alcalde de Ribadeo agradeceu ao vicepresidente da Deputación Provincial o seu compromiso co entorno da Praia das Catedrais que se materializa cada ano en convenios de colaboración que sitúan ao ente provincial como o máis inversor na posta en valor e coidado deste recurso natural, turístico e económico.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
