O ALCALDE DE FOZ DI QUE A PROPOSTA DE ORZAMENTOS MUNICIPAIS PRESENTADA POLO EQUIPO DE GOBERNO ACHÉGASE MOITO AO QUE PIDE A OPOSICIÓN. CASTIÑEIRA CONSIDERA POSITIVA A XUNTANZA CELEBRADA ONTE, PERO CRITICA A ACTITUDE DO PORTAVOZ DE UNIFOZ PORQUE “ACTÚA CON AFÁN PERSONALISTA E DESVINCÚLASE DA NEGOCIACIÓN”.
Foz, 22 de febreiro de 2013. Despois da primeira reunión da xunta de portavoces para falar sobre os orzamentos municipais para este ano 2013 en Foz, celebrada onte á noite, o alcalde, o popular Javier Jorge Castiñeira fixo hoxe unha valoración “moi boa” do encontro e comentou que a proposta que presentou o equipo de goberno do Partido Popular é “sensata e consecuente coa situación real do Concello”.
Javier Castiñeira salientou que “estamos a baixar máis de 200.000 euros dos orzamentos do ano pasado. Creo que son realistas e ademais achéganse en moito ao que pide a oposición: prevese un plan de emprego de 80.000 euros, que era o que solicitaba o groso da oposición, e aínda que non se pode cumprir coa subida da RPT de 100.000 euros que había establecida para o incremento de salario dos funcionarios sÍ se pon unha pequena partida para subir a produtividade 17.000 euros máis”.
O rexedor municipal explicou tamén que “o Partido Popular está facendo un axuste importante, pero vaino facer o pobo en xeral, porque son uns orzamentos moi axustados e esperemos que o resto dos grupos sexan tamén consecuentes coa situación real. Hai grupos que se ven máis próximos e hai outros que seguen co seu afán personalista como é, xa non digo Unifoz, senón Xaime Cancio, que se dedica ao seu, a tratar de poñer zancadillas e neste caso, unha vez máis, se desvincula de toda negociación”.
“Nós vamos tratar de sacar os orzamentos adiante e se o resto dos grupos non poñen algo da súa parte haberá que traballar cos orzamentos prorrogados, que é algo que nós non desexamos pero evidentemente os esforzos que se poden facer son os que hai nun momento de crise tremenda e tendo en conta que temos 200.000 euros menos que o ano pasado e 800.000 euros menos de ingresos por devolver a participación de tributos do Estado e non ternos axustado ao plan de pago a provedores”, aclarou Castiñeira.
O alcalde focense tamén se referiu ás declaracións realizadas hoxe polo BNG sobre a situación económica do Concello e comentou que “din clarísimamente que non teñen nin idea economía, porque o ano pasado houbo un aforro neto por parte do Concello de máis de 100.000 euros; gastouse menos do que había presupostado. É certo que estamos tendo problemas para pagar aos provedores, pero evidentemente iso é a causa de que eles se negaron a aprobar o pago a provedores. Que agora lle boten a culpa ao grupo popular, cando nós lles estabamos dicindo precisamente que ía pasar isto, é un pouco incoherente”.
“Nós vamos seguir co noso plan, cremos que é interesante para todos que se aproben os orzamentos e contamos tamén, por suposto, con todos, aínda que algúns se afasten da postura do goberno eu creo que sería importante por parte da corporación municipal aprobar uns orzamentos adecuados ao día no que vivimos”, rematou Javier Castiñeira.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
