O cadro de Iván Cao, Lucas, celebrará a 21ª xornada de Terceira con derbi mariñán. Visitará a pista do Cidade de Viveiro o sábado, ás 16.00 horas, coa firme idea de seguir aproximándose ao podio nunha nova etapa de compromisos ligueiros. “Comezamos un novo ciclo. Temos por diante catro xornadas accesibles para os nosos intereses. Se os resultados nos son favorables, poderemos enfrontarnos aos rivais mellor posicionados con máis marxe e xa con Manu e Aarón recuperados” aseguraba o técnico burelista, analizando o calendario máis inmediato, con Viveiro, Bueu, Leis e Cafyd nos postos baixos da táboa.
Despois de validar a súa fortaleza como local, ante o Ribeira de Piquín (4-1), o Burela FS Pescados Rubén B asumirá o reto comarcal ocupando a quinta praza a tan só un puntiño do segundo, con 36 puntos e Xove, Pazos de Borbén e 5Coruña FS empatados. Aínda que o Viveiro chega á cita na antepenúltima praza (12 puntos) e encadeando tres xornadas sen coñecer a vitoria, coa goleada incluída do favoritísimo O Esteo (10-0), Lucas non se mostra nada confiado: “A priori somos superiores, pero temos que demostralo sobre a pista. Un derbi sempre está rodeado de incerteza, pode pasar calquera cousa e nós somos conscientes de que non podemos relaxarnos; na primeira volta fixémonos coa vitoria a falta de tan só dous minutos para o final (4-3)” advertiu o estratega.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
