Os deputados autonómicos pola Mariña e Lemos, José Ramón Val e Vicente Docasar, e o secretario de Sanidade do PSdeG na provincia de Lugo, Miguel Rodríguez Lois, anuncian que o partido organizará accións conxuntas para defender as áreas sanitarias de Monforte e Burela que se extenderán tamén a iniciativas nos concellos, na Deputación e no Parlamento. Os socialistas advirten de que a área integrada única que o Goberno galego quere aprobar en Lugo “dálle capacidade por lei á Xunta para eliminar servizos” dos hospitais da Costa e Lemos, algo que xa vén sucedendo noutros lugares onde se implantou este sistema. Por outra banda, abre a porta aínda máis á privatización da sanidade e “é un novo golpe para as zonas rurais que fomenta o despoboamento”, xa que permite os traslados indiscriminados de pacientes a outros hospitais da provincia.
Os representantes do PSdeG-PSOE en Lugo lamentan “o absoluto silencio da Xunta” ante as súas reiteradas preguntas para que expliquen cales son os seus plans para as áreas sanitarias, e critican que “parece que a decisión a teñen xa tomada, coma sempre, de xeito unilateral, ás agochadas e pasando o rodillo da maioría absoluta sen escrúpulos”. Os socialistas queren contar cos colectivos sanitarios e cos veciños coñecedores da situación para apoialos, escoitar a súa opinión e defender os servizos hospitalarios. Por iso, ante a decisión do Goberno do PP de implantar unha soa área integrada para que os hospitais dependan de Lugo, que xa parece inminente, reuniranse o vindeiro martes con representantes de SOS Sanidade Pública das áreas da Costa e Lemos.
O PSdeG lembra que a defensa destas áreas é un compromiso xa adquirido en campaña e recorda que “o PP incumpre unha vez máis as promesas feitas en época electoral, cando se comprometeu a mantelas, e volve enganar os veciños”. Os socialistas xa advertiran en datas pasadas que na memoria dos Orzamentos correspondente a Sanidade, a Xunta afirma: “No 2013 continuaremos coa implantación das estruturas de xestión integrada, unidades de
xestión clínica e coa incorporación de novos procesos asistencias integrados”, nun apartado que agocha claramente esta decisión. A isto súmanse as “cifras ridículas” de tan só 17.241 euros prevista para a dotación do hospital de Monforte nos Orzamentos da Xunta, e as dúas partidas de 50.000 e 36.800 euros para o hospital de Burela, “claramente insuficientes para darlle á cidadanía uns centros dignos”, e que “son unha proba evidente do desmantelamento que pretende o PP e dos plans de futuro que teñen para estes centros sanitarios”.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocou o luns a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
