Esta tarde dá comezo o ciclo formativo Técnicas de Comercialización dos produtos das Reservas da Biosfera, organizado pola Deputación de Lugo no Centro de Innovación Social In Lugo, para impulsar o comercio on line dos produtos autóctonos propios das Reservas da Biosfera de Terras do Miño e Os Ancares, xa que este novo xeito de comercialización pode supoñer unha ferramenta económica de primeiro nivel para estes territorios.
A modo de introdución ó tema central deste plan formativo, os expertos analizarán algúns dos mecanismos de dinamización da actividade social, cultural, turística e económica das Reservas da Biosfera. En concreto, o papel dos monitores-guías medioambientais, as cales levan a cabo unha labor fundamental para a recompilación e posta en valor dos recursos paisaxísticos, ambientais e etnográficos dos territorios das Reservas, esencial para fomentar un turismo sostible e de calidade. Un “ecoturismo” que contribúe ó desenvolvemento económico destas zonas, mediante a dinamización do mercado laboral dun xeito respectuoso coa natureza e a cultura local.
O potencial das novas tecnoloxías
Tras este achegamento á realidade das Reservas e os recursos que estas poden ofrecer, en vindeiras sesións falarase acerca das claves para o aproveitamento do potencial que ofrece o comercio electrónico. Atendendo ós datos facilitados polo Observatorio Nacional das Telecomunicacións e da Sociedade da Información, do Ministerio de Industria, a facturación en Galicia do mercado on line alcanzou os 700 millóns de euros no ano 2011. O e-comercio é un mercado cuxo volume de negocio, así como a diversificación dos produtos á venda, non deixa de medrar nun momento marcado pola crecente tendenza entre os consumidores, que desexan acceder a produtos naturais e de calidade directamente dos produtores.
Os expertos animan ós produtores a sumarse ó comercio electrónico polo feito de que, non só é fundamental conseguir un posicionamento a nivel imaxe na Rede, senón que este pode reportar outro tipo de vantaxes. Entre estas hai que destacar o aumento do valor de marca e a posibilidade de ofrecer prezos máis competitivos pola eliminación dos intermediarios. Do mesmo xeito, para os potenciais clientes, o e-comercio supón máis comodidade e optimización do gasto, pola posibilidade de acceder a diferentes provedores de forma simultánea.
A Deputación de Lugo vén apostando dende hai tempo por este novo xeito de facer negocios. Especialmente destacada é a plataforma www.losproductosdelugo.com, que xa conta con 100 empresas adheridas –preto dun 60% ubicadas nos territorios das Reservas-, que poñen á venda uns 800 produtos e servizos, contando mesmo cunha liña de venda de produtos en frío.
Nas vindeiras xornadas, outros destacados expertos ofrecerán as claves para entender as características das propias Reservas: a historia, riqueza natural, etnográfica e cultural de Terras do Miño e Ancares. Estas dúas Reservas están conformadas por terras dos Concellos de Ourol, O Valadouro, Muras, Alfoz, Mondoñedo, Abadín, Xermade, Vilalba, A Pastoriza, Riotorto, Guitiriz, Cospeito, Meira, Begonte, Rábade, Castro de Rei, Outeiro de Rei, Pol, Lugo, Friol, Castroverde, Guntín, O Corgo, Baralla, O Páramo, Láncara, Navia de Suarna, Cervantes e Becerreá. Estes tres últimos forman parte da Reserva de Ancares.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
