Traballada e importante vitoria do Viveiro diante dun dos equipos que viña a Viveiro con opcións de pelexar polo título de liga, pero que se atopou cun Viveiro que segue nunha liña ascendente de xogo e resultados, o que da as súas xogadoras un plus de confianza que fan que crean nas súas posiblidades e pelexen todos os partidos ata o final.
Na primeira parte o Cidade de Lugo víase incapaz de salir da presión das xogadoras do Viveiro, e cando o conseguía atopábase con Diandra que fixo un dos seus mellores partidos da tempada, sobre todo na segunda metada, cando mais apretaron as xogadoras capitalinas.
A primeira metade, de dominio local, rematou con empate a cero, debido, sobre todo, a falta de aceto diante a porta defendida por Sheila.
Na segunda metade o Viveiro saiu mais entonado, no aspecto finalizador, e primeiro María Balsa e logo Xiana, en escasos minutos, logran por o 2-0 no marcador, ante o desconcerto do rival, que non sabía como parar o xogo das viveirenses. Foi María Insua, que estreaba a súa faceta goleadora nesta tempada, que mediada a segunda metade colocou o 3-0.
Cando todo parecía de cara para que o Viveiro non sufrira en exceso no tramo final do partido, un último arreón das lucenses, con máis fortuna que xogo, puxeron o 3-2 no marcador; pero o Viveiro soubo sufrir e defender os tres puntos.
En resumo, importante vitoria, máis no terreo moral e de seguir medrando coma equipo, que no plano clasificatorio; xa que esta tempada a sorte non estaba acompañando nos minutos finais dos partidos, onde se foron un bon puñado de puntos, que, seguramente de seren sumados, terían ao equipo pelexando polas posicións cabeceiras da clasificación.
Viveiro: Diandra, Nerea, Rocio, Xiana, María Balsa. Tamén xogaron: Raquel, Andrea, María Insua.
Cidade de Lugo: Sheila, Carla, Silvia, Esther e Natalia. Tamén xogaron: Cristina e Carmen.
Goles: 1-0 María Balsa; 2-0 Xiana; 3-0 María Insua; 3-1 Esther; 3-2 Carmen.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
