Unifoz denuncia que “fai uns días o Sr Alcalde de Foz, facía en medios públicos unhas declaracións de insulto a intelixencia, defendendo claramente a postura dos seus xefes políticos do PP e esquecendo aos veciños, incluídos os que o votaron, e ao Hospital da Costa”.
Un Alcalde que se nega a reunirse cos propios traballadores do Hospital, un Alcalde, que so lle interesa a información do seu partido en este tema.
Un Alcalde, que agora nos di, que presentará a proposta de presupostos a mesa sindical, se consensualos antes cos grupos políticos.
Un Alcalde que fai pouco dicía que non se podía asumir o pago da RPT aos traballadores, e si aumentar a produtividade, uns días máis tarde, dicía que podía asumir o 15 % da RPT, e agora que nos dirá pois? Seguramente agora dirá que fixo ben as contas que lle recomendou Unifoz, e que pode asumir ese 30% da RPT, algo que nos acostuma a ver no Alcalde de Foz, que o que di o luns, pode non ter nada que ver como que diga o martes, ou o mércores…
Unifoz, entende que tal decisión, de tirarse ao baleiro cos presupostos municipais so pode obedecer a tres posibilidades:
1ª.-Que os presupostos xa teñan pactados con algún grupo político.
2ª.-Que os presupostos se presenten vinculados a unha cuestión de confianza.
3ª.-Que pretender ir de vítima, e dicir que a culpa é da oposición.
Unifoz quere dicirlle ao goberno do PP de Foz, que os presupostos municipais son algo máis que números e letras.
Os orzamentos, teñen que marcar a folla de ruta na forma de gobernar, ten que ser a declaración de intencións para atender as necesidades que ten o noso pobo, ten que ser un documento serio e crible.
Non podemos seguir negando aos veciños e veciñas a atención a servizos básicos por falta de cartos, e seguir gastando en festas ou en privatización de servizos.
Se nos remitimos aos orzamentos do pasado ano, e máis concretamente ao plan de emprego e o gastado en festas, a experiencia nos di que este goberno é pouco serio e nin cumpre nin os seus propios compromisos.
Unifoz, sigue considerando prioritario para estes orzamentos:
–Plan de emprego. Para Unifoz o plan de emprego é algo máis que un diñeiro nunha partida, por ese motivo, queremos un plan de emprego que responda:
– Ás necesidades do noso pobo, para reforzar servizos (turismo, biblio-praia, axuda no Fogar, limpeza, coidado de zonas verdes, rozado de pistas, socorrismo, electricista).
– Inclusión de persoas con e sen titulación e xoves
– Bases pactadas na Corporación, onde se garanta, publicidade, mérito e capacidade, e situación social.
–RPT. Unifoz considera que o pago do 30 % da RPT, non é unha subida, se non unha débeda do Concello cos traballadores e traballadoras , e que a aplicación da RPT, ten que estar contemplada no orzamento,en cumprimento do acordo da corporación o pasado 25 de febreiro de 2010, do contrario PODERÍA PRESENTARSE RECLAMACIÓN o orzamento.
–Aforro. Unifoz considera que é necesario un plan de aforro, e non seguir gobernando a golpe de talonario como fai este goberno do PP en Foz, onde recordamos unha vez máis que o ano pasado cando so podían gastar 60.000 € en festas, gastaron 129.000 €, e dicindo que non hai cartos para outros servizos máis básicos, coma Axuda no Fogar,neste sentido seguimos pedindo se traballe en Compostaxe, para diminuír a factura de Sogama (250.000 €), así como aforro enerxético para diminuír a factura de consumo e mantemento (550.000 €)
–Melloras na recadación. Unifoz considera que é posible recadar máis sen gravar con máis impostos aos veciños, simplemente coa aplicación máis rigorosa e xusta das ordenanzas.
–Non privatización de servizos. Unifoz non votará a consignación presupostaría para privatizar os servizos de mantemento de xardíns, pois considera, que co persoal municipal, co plan de emprego, e coa colaboración do Obradoiro de Emprego, e reorganización puntual do persoal de outros servizos, hai medios suficientes para facer eses traballos.
–Inversións. Unifoz é consciente de que hai poucas posibilidades económicas para facer inversións, pero dentro de ese marxe, é posible por anualidades inversións decisivas para o Pobo.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
