– Máis do 90% dos municipios que integran o Club dos Renovables se sumaron a esta iniciativa tan só rexeitada por Meira, Cervo, Palas de Rei e Sarria malia non supor custe algún para as entidades locais.
– A institución aforra ós Concellos os 5.000 euros que custa a revisión da facturación eléctrica, segundo os prezos do mercado, e garántelles unha redución inmediata no gasto dun 20% ó ano.
– Técnicos da Axencia Provincial da Enerxía, creada con fondos da UE, asumirán estes traballos xa realizados nas dependencias da Deputación, supoñendo un aforro de 123.000 euros anuais.
A Deputación revisará gratis a facturación eléctrica a 42 Concellos para que obteñan o máximo aforro no gasto eléctrico e eviten posibles situacións de abuso por partes das compañías. O organismo provincial vén de pechar o prazo de inscrición para que os 46 municipios ós que lle ofreceu esta iniciativa, os que integran o Club dos Renovables, se sumasen. Máis do 90% das entidades locais se adheriron. Tan só a rexeitaron Meira, Cervo, Palas de Rei e Sarria a pesares de non supor ningún custe para as arcas locais. A institución luguesa asume todos os custes, realizando estes traballos con medios propios. Técnicos da Axencia Provincial da Enerxía, posta en marcha con fondos da Unión Europea, realizarán nas vindeiras semanas estudos personalizados e ofrecerán asesoramento in situ a cada un dos municipios adheridos.
Estes son os seguintes: Baralla, Barreiros, Cervantes, O Corgo, Guntín, O Incio, Mondoñedo, Paradela, A Pastoriza, Pedrafita do Cebreiro, A Pobra do Brollón, Portomarín, Quiroga, Rábade, Ribas do Sil, O Saviñao, Trabada, Triacastela, O Valadouro, O Vicedo, Xove, Sober, Ribadeo, Friol, Riotorto, Viveiro, Bóveda, Becerreá, Negueira de Muñiz, Burela, Samos, Láncara, Pol, A Fonsagrada, Monforte de Lemos, Monterroso, Guitiriz, Castroverde, A Pontenova, Baleira, Abadín e Navia de Suarna.
Aforros
Os Concellos beneficiaranse gratuitamente dunha medida que a propia Deputación xa aplicou nas súas instalacións provinciais, coa que reformou o contrato eléctrico, reducindo destes gastos nun 25% e aforrando 123.000 euros ó ano. Tendo en conta que estes 42 municipios non terán que investir os 5.000 euros que, segundo os prezos do mercado, custa a revisión e control da facturación eléctrica xa que os técnicos da Axencia Provincial da Enerxía realizarán estes traballos, o aforro para mencionados 42 municipios serán dobre. Ademais, coa aplicación das recomendacións que recollerá o estudo, cada entidade local obterá un aforro inmediato de ata un máximo dun 20% ó ano na factura eléctrica. Por exemplo, un Concello medio da provincia con 5.000 habitantes, que paga ó ano 200.000 euros pola luz, poderá aforrar un máximo 40.000 euros.
Cuestións a avaliar
O amplo estudo que realizará a Axencia Provincial da Enerxía abordará cuestións como as seguintes: se as condicións que ofrece a compañía ó Concello son as mellores do mercado, ou hai outras empresas con tarifas e servizos máis axeitados ás súas necesidades; se está pagando unha penalización ou recargo por non optar por unha compañía comercializadora do mercado libre; se a empresa lle está liquidando correctamente o imposto que lle ten que pagar polo uso do solo e o subsolo; se hai erros na factura (cálculo, aplicación de prezos…); se a tarifa aplicada se adecúa ó consumo real de cada subministro, ou se a potencia contratada se adecúa ó subministro, ou pode reducirse.
Unha nova vantaxe de ser Concello Renovable
O Club dos Renovables xurdiu o ano pasado tras ofrecer a todos os municipios da provincia –agás o de Lugo- outras iniciativas de aforro medioambiental. Sumáronse voluntariamente 46 Concellos de todas as cores políticas, é dicir, o 70% dos da provincia. O primeiro programa que lles ofreceu a Deputación foi a realización gratuíta de auditorías enerxética, que a institución luguesa está a rematar. O organismo provincial tamén proporcionará a custe cero a estes municipios os materiais e dispositivos necesarios para mellorar a eficiencia enerxética que determinen ditas auditorías, por exemplo, lámpadas LED, válvulas termostáticas, programas de rego ou detectores de presenza. O análise da facturación é, polo tanto, unha vantaxe máis de terse sumado ó Club dos Renovables.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
