O Burela FS Pescados Rubén B finalizou a súa primeira tempada ligueira en Terceira nunha meritoria cuarta praza. O último compromiso, en derbi comarcal ante A Fuga Xove FS, deulles a vitoria aos laranxas (6-2).
O Burela FS Pescados Rubén B comezou cunha gran defensa e un ataque fluído creando numerosas ocasións. No minuto 3, Keko e Fabio, no 10, marcaron a primeira vantaxe. O equipo estaba a facer un bo partido en defensa pero as faltas, 5 en 5 minutos, fixeron que o equipo tivese que baixar a intensidade defensiva. Aínda así o Xove acabou tirando 3 dobres penaltis, un deles no minuto 15, que se converteu no 2- 1. No entanto, os laranxas tamén aproveitaron os 10 metros por medio de Manu, no 18. Cando todo parecía que chegaría así o descanso, nos últimos segundos, un lanzamento desde 14 metros, de Dani, reduciu as distancias de novo para os visitantes, 3-2, un gol que non facía xustiza ao que se estaba a ver sobre a pista.
Na segunda parte e sen o xugo das faltas, o equipo burelistas volveu incrementar a intensidade en defensa, con roubos moi perigosos que acababan en claras ocasións. O encontro subiu de temperatura tras varias entradas a destempo dos xovenses que acabaron en varias expulsións. Na primeira superioridade, os laranxas non foron capaces de crear moito perigo pola boa defensa do A Fuga FS. Non obstante, o Burela FS B volveu atopar fisuras, no minuto 27, tras unha boa contra que Manu finalizou ao segundo pau. Despois, coa segunda expulsión, Bruno foi quen de meter gol e poñer o marcador 5-2. A partir de aí o dominio foi total para os locais, con 6-2 definitivo de Souka, no minuto 31.
Copa. O Burela FS B internarase na competición copeira a próxima semana, en semifinais de ida e volta (12 e 19 de maio) co Cidade de Viveiro FS. O outro cruzamento estará protagonizado por 5ACoruña FS e Vilalba FS. A final está prevista para o 1 de xuño.
Ficha técnica
Burela FS B: Samuel, Bruno de Nois, Manu, Antón e Keko. Tamén xogaron Carlos, Souka, Fabio, Erik e Hélder.
Xove FS: Pulido, Ivi, Dario, Iago e Marcos. Tamén xogaron Dani, Dani Díaz, Álex Tatico.
Goles: 1-0, minuto 3, Keko; 2-0, minuto 10, Fabio; 2-1, minuto 15, Dani (d.p.); 3-1, minuto 18, Manu (d.p.); 3-2, minuto 20, Dani; 4-2, minuto 27, Manu; 5-2, minuto 30, Bruno; 6-2, minuto 31, Souka
Árbitros: Manuel Dans e María Corrochano
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
