Cervo, 30 de abril de 2013-A edil de Servizos Sociais, Pilar Armada, amosou a súa alegría porque o grupo municipal socialista “por fin se dese conta da importancia da praza dos Campos para San Cibrao como un lugar de reunión e lecer para os veciños de todas as idades e que, ademais, o fixesen público”. Armada asegura que “é unha sorpresa para nós que os principais opositores á creación desta praza asuman e recoñezan que é un espazo ideal para celebrar actos tan relevantes como o Día do Xubilado, un evento co que precisamente inauguramos esta praza no 2011”.
A delegada de Servizos Sociais lamenta que o PSOE de Cervo “tardase tantos anos en asumir que a praza dos Campos pasou a ser o corazón de San Cibrao e que era imprescindible dotar a esta vila dun lugar amplo para o entretemento e o encontro”.
Ao mesmo tempo, Armada valorou o anuncio dos socialistas de acudir ao Día do Xubilado: “Serán benvidos, ao igual que todos os convidados a este acto”. Neste sentido a edil amosou a súa satisfacción porque os socialistas recoñezan que a situación económica do Concello é boa. “O ano pasado os socialistas non acudiron, segundo dixeron, por solidariedade coa mala situación económica que, segundo eles, atravesaba o Concello. Polo tanto, se este ano acoden, é porque asumen que a situación económica é boa”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
