Ca xornada de Remourelle finalizaba a tempada da LNB na conferencia NorLeste e queimábanse os derradeiros cartuchos de cara a conseguir un posto para disputar as finais nacionais o vindeiro día 26 de maio en Marrozos, Santiago de Compostela fronte os clasificacdos das outras conferencias, non todas aínda finalizadas.
Como ven sendo costume, aínda que desta volta non estaba programado oficialmente, antes do comezo do aberto a maioría dos palanadores xuntáronse na Taberna de Lola para xantar, cumprindo á perfección o lema dos billardeiros “para darlle ó garabullo, primeiro hai que enche-lo bandullo”.
Logo do sorteo comenzaron a disputarse as carreiras que só serviron para que algún xogador trocase de posto, xa que en definitiva non modificaron en nada a táboa de clasificados. Están os que xa estaban, e os que tiñan algunha posibilidade de entrar quedaron ás portas.
O Aberto gañouno Eric de “Os Outros” con tódalas carreiras gañadas, segundo Xermán de “Ekipa-Bitere” e terceiro logo dun desempate entre cinco candidatos (Daniel, Charli, Reyes, Villarino e Pepe), foi Charli de “Carabullo”.
Finalizouse a xornada novamente na Taberna de Lola ca entrega dos premios do aberto no que a estrela foi “O Coello” que Suso lle entregou a Eric como gañador do aberto. E seguidamente o concelleiro de deportes D. Vicente Castro, fixo entrega en nome do Concello de Ribadeo dos trofeos correspondentes os gañadores en cada categoría: en donas a Campioa foi Geni de “Os Outros”, por equipos repiten os Billardeiros Musicais., en varados Charli de “Carabullo” e Campión individual novamente Charli.
E a lista de clasificados para a gran muiñada de Marrozos é a seguinte:
– Equipos: Billardeiros Musicais e Tropa Lixeira.
– Donas: Geni, Reyes, Lola Eiras, Carme e Lucía.
– Varados: Charli, Regueiro, Daniel, Markytos e Martiño.
– Individual: Charli, Marcos, Daniel, Regueiro, Óscar, Markytos, Suso Coedo, Xermán, Richar, Nacho, Noé e Martiño.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
