O venres arrinca o Campionato galego por equipos de clubs de clase Optimist

Foz acolle o Campionato Galego por equipos de clubs para a clase Optimist baixo a organización do Club Náutico de Foz en colaboración coa Deputación Provincial, o Concello de Foz e a Federación Galega de Vela.

As augas do golfo do Masma acollerán a competición entre o venres 31 de maio e o domingo 2 de xuño. O venres entre as seis da tarde e as oito e media abrirase a oficina de regatas para deixar paso á reunión de adestradores e xefes de equipo. Pola súa banda, o sábado 1 de xuño ás once da mañá soará a sinal de atención da primeira proba do día; mentres que o domingo as probas arrincarán ás dez da mañá. Ademais non se dará unha sinal de saída despois das tres da tarde, excepto a chamada xeral. Arredor das cinco da tarde procederase á entrega de premios.

A regata está reservada exclusivamente para a clase Optimist, admitindo cinco participantes por club; pero con so catro participantes en cada proba e realizándose probas de regatas por equipos.