SANTIAGO, 4 de xuño de 2013. A Fegamp convocou hoxe na súa sede a representantes dos concellos nos que se instalarán as bases dos novos Grupos de Emerxencia Supramunicipal (GES), e cuxo inicio de actividade está previsto para este mes de agosto. A reunión estivo presidida polos vicepresidentes da Federación Alfredo García, alcalde do Barco de Valdeorras, e Alfonso Villares, alcalde de Cervo.
Ao encontro asistiron unha vintena de concelleiras e alcaldes dos municipios de Brión, Curtis, Muros, Ortigueira, Padrón, Ponteceso, Becerreá, Cervo, A Fonsagrada, Guitiriz, Monterroso, A Pontenova, O Barco de Valdeorras, Castro Caldelas, A Gudiña, Lobios, Muiños, Avión, Ribadavia, A Estrada, Lalín, Ponte Caldelas e Redondela.
Durante a reunión, Villares e García, xunto ao director xeral da Fegamp, José Manuel Chapela, trasladaron aos presentes información para o desenvolvemento e implantación dos grupos, tendo en conta que o convenio entre Xunta, Fegamp e deputacións provinciais xa se rubricou nas últimas semanas.
Neste tempo, os vicepresidentes da Fegamp mantiveron diversas reunións de traballo coa Dirección Xeral de Administración Local e a Dirección Xeral de Montes para acordar entre as dúas partes os pasos a seguir na implantación dos GES.
A partir de agora, e en virtude deste convenio, cada concello deberá elaborar as súas propias bases de contratación a partir do modelo establecido, e realizar o proceso de selección do persoal que conformará os novos GES, cuxa vixencia se estende ata decembro de 2015.
Para Villares, “o papel da Fegamp é precisamente este, o de atención e asesoramento a todos os concellos para unha mellor prestación de servizos tan importantes como este das emerxencias, como antes se facía cos extintos ‘grumir’ ”. Para tal fin, a Federación conta cun técnico que atende todas as consultas dos municipios neste ámbito.
Segundo o alcalde de Cervo e vicepresidente executivo da Fegamp, “sempre xorden dúbidas sobre cuestións menores, porque cada concello ten a súa singularidade, pero o importante é polas en común e atopar solucións para que, canto antes, todos os concellos conten con persoal especializado e cunha certa estabilidade temporal para atender as emerxencias”.
Novo modelo de emerxencias
A implantación dos GES prodúcese despois de que no mes de xaneiro, tras anos de demora e prórrogas, Xunta, deputacións e concellos acordasen este novo modelo de emerxencias supramunicipais.
Entre as novidades do modelo que a Comisión Executiva da Fegamp avalou en xaneiro destaca un financiamento máis estable, no que participan tres administracións públicas: Xunta, as catro deputacións e os concellos. O goberno galego asumirá un 60% dos custos de persoal, os entes provinciais un 20% e as entidades locais o 20% restante.
O novo modelo profunda na colaboración e cooperación entre concellos que defenden e impulsan Fegamp e Xunta, xa que os novos grupos de emerxencias non estarán vinculados a un único municipio, como maioritariamente ocorría cos ‘grumir’, senón que ampliarán o seu campo de actuación ás súas áreas de influencia.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
