O concelleiro do BNG no Valadouro, Eduardo Chao, manifestou durante a sesión plenaria da moción de censura no Concello do Valadouro celebrada este martes 4 de xuño que “o apoio do BNG non fica só nun cambio de persoas, senón en facilitar un cambio de goberno e polo tanto de políticas, camiñando cara á democratización total do Concello”.
Despois de 25 anos de gobernos da dereita o resultado foi: Promesas incumpridas arredor do polígono industrial, unha concentración parcelaria nunca rematada, eliminación do matadoiro municipal, pasividade ante a desaparición do servizo de notaría, eliminación da oficina local de Extensión Agraria, acusada perda de poboación…
Por todo isto e moitas outras cuestións que sería longuísimo enumerar, apoiamos un novo goberno, mais o noso apoio non supón un cheque en branco.
Quero deixar claro que eu non asinei a famosa cláusula do documento notarial, xa que eu non formo parte do goberno local.
Exerceremos unha intensa vixilancia do pacto de goberno e por riba de todo do cumprimento das bases programáticas achegadas polo BNG na negociación:
-ORZAMENTOS PARTICIPATIVOS (no presente exercicio por falta de tempo terán que elaborarse uns orzamentos polo método tradicional, mais nos exercicios vindeiros exixiremos que sexan confeccionados contando coa opinión da veciñanza e dos colectivos sociais).
-EMPREGO (fomento de cooperativas, impulso a emprendedores, posta en valor dos recursos produtivos locais, racionalización e fomento do cooperativismo na explotación forestal…)
-POLÍTICA SOCIAL (creación da figura do dinamizador social nas parroquias para evitar o illamento social dos sectores máis vulnerábeis. Posta en marcha do préstamos de libros de texto para liberar ás familias duns elevados gastos anuais…)
-POLÍGONO INDUSTRIAL (esixir á Xunta o cumprimentos dos acordos –tanto dos históricos como dos recentes- vinculados á creación do polígono)
-UNIFICACIÓN DO VAL (fomento da sinerxia con Alfoz a todos os niveis, tomando a iniciativa dende o goberno local).
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
