Burela, 11 de xuño de 2013. O alcalde, José Mª González Barcia, recolleu en Madrid a bandeira verde coma municipio responsable que recibiu Burela. Neste 2013 cúmprese o 15º aniversario da consecución por primeira vez deste galardón.
O rexedor contou que “acabamos de recoller a bandeira verde que a Federación de Usuarios y Consumidores Independientes de España outorga aos concellos que se preocupan e que fan aposta decidida en materia medioambiental. O acto estivo presidido pola ministra de Sanidad, Ana Mato, e polo ministro de Agricultura, Alimentación y Medio Ambiente, Miguel Arias Cañete”.
“Para o Concello de Burela isto é unha enorme satisfacción porque se ve que a liña que comezamos aló polo ano 1996 en materia medioambiental e que foi continuada polos distintos equipos de goberno ata o presente, tamén incluído, é unha liña correcta e axeitada”, dixo González Barcia.
O alcalde burelés agradece “publicamente a tódolos cidadáns, como non podía ser doutra maneira, o seu esforzo e colaboración fundamental para que Burela acade un ano máis, e xa van 15 seguidos porque empezamos no 1998 e cúmprese o 15º aniversario da consecución da primeira bandeira verde para o noso Concello. Eu teño que estarlle enormemente agradecido aos veciños e ás veciñas pola súa colaboración cidadá en materia medioambiental. Teño que recoñecerlle o traballo aos empregados do Concello, especialmente a aqueles que están vinculados coa Área de Medio Ambiente, e teño que recoñecerlle tamén o esforzo que está facendo a concelleira delegada, Patricia López Eijo, que hoxe por cuestións persoais non puido vir a Madrid”.
José Mª González Barcia engadiu que “para nosoutros é unha enorme satisfacción pero tamén é un reto, que nos anima a seguir traballando. No mundo do medio ambiente hai moitas cousas por facer e na situación actual de crise que estamos a vivir evidentemente é máis complicado aínda iniciar novas actuacións porque calquera iniciativa que se emprenda costa cartos. Pero hai unha actuación que todos, absolutamente todos, veciñas e veciños podemos levar a cabo: é reciclar o lixo de forma axeitada, depositar en cada colector o que é propio de cada un deles e non mesturar residuos, usar as papeleiras; en definitiva, aplicar aquel dito que di que non é máis limpo quen máis limpa senón que o é quen menos ensucia. Polo tanto, eu animo a todas as veciñas e veciños a seguir traballando nesta liña, porque estou completamente convencido de que se seguimos así Burela continuará nos primeiros postos en materia medioambiental”.
O rexedor lembrou que “a esta bandeira verde temos que sumarlle as bandeiras azuis conseguidas para as praias da A Marosa e de Portelo e a renovación dos galardóns bandeira azul tanto para o barco museo Reina do Carme como para a aula de educación ambiental Gaia. Estes cinco galardóns, xunto con esa distinción temática en materia de educación e información ambiental que nos ten concedido Adeac, en total seis galardóns, significan o reflexo dun traballo continuado desde hai moitos anos e tamén significan o compromiso de que temos que seguir mantendo coas políticas medio ambientais que estamos levando a cabo”.
González Barcia cre que “é bo que sigamos traballando cóbado con cóbado e que apliquemos todos e todas ese refrán que dixen antes: non é máis limpo quen máis limpa senón quen menos ensucia”.
Arias Cañete
No acto de entrega das bandeiras verdes hoxe en Madrid o alcalde, José Mª González Barcia, tivo a oportunidade de facer un aparte co ministro de Agricultura, Alimentación y Medio Ambiente, Miguel Arias Cañete, para falar sobre a situación que está a pasar a pesca: “en concreto eu evidentemente o que lle transmitín é o desexo dos armadores e dos mariñeiros, do sector pesqueiro do noso concello, de seguir traballando, porque eles o que queren é pescar, que ninguén mellor ca eles saben como se poden preservar os recursos. En definitiva, queren seguir mantendo a súa actividade empresarial e profesional”.
O alcalde de Burela dixo que “o ministro coñece este tema moi a fondo, el é un fondo coñecedor dos problemas polos que está pasando o sector pesqueiro e estou plenamente convencido, e así mo fixo saber, de que se está poñendo toda a carne no asador para intentar buscar as mellores condicións posibles dentro do marco da Unión Europea para os nosos mariñeiros e armadores. Evidentemente temos que achegarlle propostas ao ministro e temos que estar co goberno central nesta, por así dicilo, pelexa en boa lide que temos dentro da Unión Europea para que se escoiten os nosos criterios. Eu espero e confío que o ministro sexa capaz de pouco a pouco ilo conseguindo”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
