A carismática Lucía Nespereira non participará no proxecto do CD Burela FS Pescados Rubén en 2013-14. A ala-peche di adeus tras catro tempadas no Burela FS cunha mestura de sentimentos: “Voume con tristeza, pero tamén feliz pola marabillosa etapa vivida aquí. Cheguei atraída por un proxecto moi motivador e ilusionante que para min creo que rematou esta tempada, co dobrete” xustificaba así a súa marcha a ourensá.
A xogadora, que finalizará oficialmente contrato o 30 de xuño, recoñeceu e agradeceu o interese amosado polo club laranxa para a súa continuidade: “O presidente fixo todo o posible para facilitar un acordo, pero a decisión xa estaba tomada” dixo Lucía, confesando ademais a súa intención de seguir dando guerra nas pistas: “Quero seguir xogando, nestes días decidirei o meu futuro”.
Facendo repaso da súa estancia na Mariña, ‘Puyol’, como foi alcumada polos seareiros e seareiras laranxas, destacou o trato recibido: “Doulle ás grazas ao club, á directiva e todas as persoas implicadas na estrutura do Burela FS por estes catro anos”. A dorsal 15 das burelistas, que sempre gozou dunha conexión especial coa bancada de Vista Alegre, tamén se desfixo en afagos para o seu “equipo e especialmente para o corpo técnico, que nos fixo alcanzar un nivel de xogo impecable e aos que persoalmente botarei de menos”.
“Sempre sentirei o Burela FS coma o meu equipo; o meu desexo é que siga medrando e recollendo novos éxitos para esta grandísima afección da que tanto cariño recibín, dende o primeiro día” concluíu Lucía.
Dende o club, a directiva encabezada por Manuel Blanco despediuse da xogadora agradecéndolle a valiosa achega á evolución e crecemento do equipo para facer historia no deporte mariñán e lucense e desexoulle fortuna nos seus novos proxectos. “Lucía sempre terá en Burela o seu fogar” puntualizou o presidente laranxa.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
